VOV4.Bahnar – Hăm tơdrong hơbuh hli hlơt đơ̆ng pơrang jĭ COVID-19 tŏk bŏk đei ƀôh tơ̆ dêh char Bắc Ninh, Anih pơgơ̆r pôk rơih dêh char Bắc Ninh hlôi đei hla bar pơkăl Anih pơgơ̆r pôk rơih kơ teh đak axong Anih pơgơ̆r pôk rơih dêh char Bắc Ninh pơgơ̆r pôk rơih hrôih tơ̆ minh ƀar anih tăh kơphĭu lơ̆m 2 apŭng, 1 thĭ xăh păng 1 plei tơm. Tơ̆l nơ̆r hăm hla bar âu, Anih pơgơ̆r pôk rơih kơ teh đak hlôi drơ̆ng nơ̆r hăm pơkăl âu păng axong minh ƀar tơring tăh kơphĭu tơ̆ plei tơm Bắc Ninh, thĭ xăh Từ Sơn, apŭng Tiên Du păng apŭng Gia Bình gơh tăh kơphĭu pôk bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang ăh năr 22/5/2021. Anih pơgơ̆r pôk rơih kơ teh đak pơkăl Anih pơgơ̆r pôk rơih dêh char Bắc Ninh pơgơ̆r tơdrong pôk rơih bơngai jang tang măt ăn Kuôk hô̆i jăl 15 păng jang tang măt lơ̆m Hô̆i đŏng kon pơlei dôm jăl jang đơ̆ng 2021-2026 kiơ̆ trŏ pơkăp đơ̆ng khôi luơ̆t teh đak păng dôm tơdrong pơtho đơ̆ng Anih pơgơ̆r pôk rơih kơ teh đak.

Lan chih păng pơre nơ̆r