VOV4.Bahnar - ‘Năr 27/5, Kơ dră dơ nơm vei lăng ƀao hiêm tơ pôl Việt Nam Nguyễn Thế Mạnh tang măt đĭ đăng bơ ngai chĕp kơ̆l, bơ ngai jang anih jang Ƀao hiêm tơ pôl Việt Nam hlôi pơ jao 2 ti hlak jên tơ gŭm Jên mong tang găn jĭ Covid-19 ‘moi kiơ̆ Anih jang Trung ương Mặt trận Tổ quốc Việt Nam. ‘Nâu jĭ kơ sô̆ jên tơ gop kơ dih đơ̆ng đĭ đăng kang ƀô̆, bơ ngai jang anih jang Ƀao hiêm tơ pôl Việt Nam.

Ƀao hiêm tơ pôl Việt Nam pơ jao 2 ti hlak jên tơ gŭm tang găn jĭ Covid-19

Tơ̆ hơ năp tơ drong jĭ Covid-19 krê hơ mơt, pơ dui đunh, hơ dai hăm tơ drong vei sơ đơ̆ng jang kiơ̆ tôm tơ drong đei yua ăn bơ ngai răt ƀao hiêm tơ pôl, ƀao hiêm pơ gang, ƀao hiêm ư̆h kơ đei tơ drong jang, Ƀao hiêm tơ pôl Việt Nam ling lang răp hơ len tơ drong tang găn jĭ Covid-19 vă tơ tom đei dôm tơ drong apĭnh vă pơm tơ drong hiôk tơ gŭm tôch ai ăn bơ ngai jang lơ̆m tơ drong sa hơ păh tơ drong tơ gŭm ƀao hiêm tơ pôl, ƀao hiêm pơ gang, ƀao hiêm ư̆h kơ đei tơ drong jang. Ƀơ̆t ‘măng jĭ Covid-19 ‘măng mă 4 đei ƀôh, ƀao hiêm tơ pôl Việt Nam hlôi tơ tom athei ƀao hiêm tơ pôl rim dêh char kơ chăng jang hơ dai hăm rim anih jang ƀơm truh vei sơ đơ̆ng ‘lơ̆ng hloh tơ drong đei yua khăm hơ met jĭ ăn bơ ngai đei ƀao hiêm tơ pôl.

Thuem: Tơ blơ̆