VOV4.Bahnar -  Kiơ̆ đơ̆ng Dơnŏ anĭh chĕp pơgơ̆r Pôk rơ̆ih pơlei tơm Bảo Lộc, dêh char Lâm Đồng, lơ̆m pơlei tơm đei vă jê̆ 116.000 ‘nu bơngai tăh hla vang năm pôk rơ̆ih Kuô̆k hô̆i jăl XV păng Jơnŭm vei lăng kon pơlei jăl jang 2021-2026, tơ̆ 90 hơnĭh tăh hla.

Trŭh dang ei, tơ̆ Hơnĭh bơ̆ jang Dơnŏ anĭh vei lăng kon pơlei rim phương, tơring, koeng kơphô̆ dăh mă pơlei pơla păng rim hơnĭh tăh hla, hơnăn bơngai tăh hla păng bơngai ăn pôk tơmơ̆t pơm kơdră tang măt đei pơklep đang; tang măt ăn rim hơnĭh vei lăng pôk rơ̆ih rim phơưng, tơringjei hlôi iung jang dăr lăng, chĭh tơmơ̆t dơ̆ng hơnăn bơngai tăh hla ƀlep hăm Khôi luơ̆t pôk rơ̆ih; tơlĕch jang hrơ̆p mĭnh ‘măng rim trong jang vei lăng sơđơ̆ng, jang pơgang, bơ̆ jang tang găn jĭ hơbŭh Covid-19, tơgŭm sơđơ̆ng ăn pôk rơ̆ih. Bơ̆ jang hơmet ăn pôk rơ̆ih năr 23/5 kơnh hlôi đei hơmet keh đang, dôm tơdrong pơgơ̆r ƀlep hăm trong tơlĕch jang vă bơngai tăh hla đei ‘măng năm tăh hla ‘lơ̆ng hơ iă, pơkom, sơđơ̆ng ƀlep tơdrong tơchơ̆t kơ Khôi luơ̆t pôk rơ̆ih păng tơpă jing năr pơm lê̆h kơ pơ đĭ kon pơlei.

Tơblơ̆ nơ̆r: Amazưt