VOV4.Bahnar – Pơgê năr 28/4, tơ̆ Hà Nội, Anih jang Nô̆i chĭnh Trung ương pơgơ̆r Hop akŏm jâ̆p teh đak băt hơdăh Tơchơ̆t Hop akŏm 13 kơ Đảng găh xơnong jang nô̆i chĭnh, tang găn păng tơjră xa pơjĭp păng hơmet pơ 'lơ̆ng khôi luơ̆t păng tơlĕch pơlong găh tơdrong jang Nô̆i chĭnh Đảng jăl xơnăm 2021-2025. Kiơ̆ pơkăp dôm tơdrong kăl lơ̆m Hla bar tơchơ̆t, Hop akŏm pơm hơdăh trong jang tơm găh nô̆i chĭnh, tang găn păng tơjră xa pơjĭp, pơ 'lơ̆ng khôi luơ̆t đei tơbang lơ̆m hla bar chih Hop akŏm mă 13 kơ Đảng. Pơma ăh Hop akŏm, ƀok Phan Đình Trạc, Kơdră Anih jang Nô̆i chĭnh Trung ương ră hơdăh: hăm 7 khul xơnong jang, trong jang, tơdrong pơm jang kơ Anih jang nô̆i chĭnh Đảng pơm kiơ̆ Tơchơ̆t Hop akŏm 13 kơ Đảng tơlĕch jang hơdăh dôm tơdrong pơkăp, trong jang, xơnong jang kơ Tơchơ̆t Hop akŏm 13 găh tơdrong jang nô̆i chĭnh, tang găn păng tơjră xa pơjĭp păng hơmet khôi luơ̆t. Tơ̆ hop akŏm, Anih jang Nô̆i chĭnh Trung ương tơlĕch tơdrong pơlong kăl hơnăn: “Hơlen băt păng tơgŭm ăn jăl pơgơ̆r kơpal xek tơlang dôm tơdrong pơm yoch, xa pơjĭp; tơlĕch tơgŭm, xek tơlang dôm tơdrong tơnap tap, tơdrong hrat găh xơđơ̆ng tơpôl lơ̆m tơring”.

Lan chih păng pơre nơ̆r