VOV4.Bahnar - Pơ gê 29/6, Anih tơm chih jô̆ roi tơ băt kơ sô̆ mŭk drăm, tơ pôl 6 khei blŭng sơ năm. Kăl kơ lăng ‘nŏh, mă đơ̆ng oei đei jĭ Covid-19 tơ pŏh tơ̆ lơ tơ ring ră, mă lei akŏm đĭ đăng tơ mam lơ̆m tĕh đak (GDP) 6 khei blŭng sơ năm oei tŏk truh 5,64%. Lơ̆m kơ sô̆ jang tŏk atŭm găh mŭk drăm 1 puăt sơ năm ‘nâu, tơ drong choh jang xa, rong ka hơ dang tŏk 3,28% pơ têng hăm khei âu sơ năm sơ̆. Tơ drong jang jên hu păng ƀao hiêm tŏk 9,27%. Tơ drong jang kơ măy păng ming man tŏk 8,36%.

Mă đơ̆ng tơ drong jĭ ƀơm ưh ‘lơ̆ng truh tơ drong choh jang xa, pơm tơ lĕch, tĕch mơ dro mă lei kơ sô̆ anih tĕch mơ dro kĭ măt pơ jing ‘nao lơ̆m 6 khei blŭng sơ năm oei đei hlŏh 67 rơ bâu anih, tŏk 8,1% pơ têng hăm khei âu sơ năm sơ̆ păng tŏk 34,3% găh jên vă jang xa. Tơ drong hơ tŏk kơ sô̆ anih păng kơ sô̆ jên jang đơ̆ng dôm anih tĕch mơ dro ‘nao pơ jing ăn ƀôh tơ drong adrin tôch ai vă iung jang xa đơ̆ng anih tĕch mơ dro.

Dơ̆ng: Tơ blơ̆