VOV4.Bahnar - Tơ roi đơ̆ng Học viện Quân y ( Anih tơm vei lăng khŭl linh), đơ̆ng rŏng kơ ƀet đang jrŭm 2 ăn 1 rơ nâu ‘nu bơ ngai jang tơ gŭm (‘măng mă 3a), pơ gê ‘năr 27/7, rim anih jang vang tơ chĕng hơ len pơ long vaccine Nano Covax bơ̆ng jĭ COVID-19 jăl jang 3 tơ lĕch jang ƀet pơ long jrŭm 2 ăn 12 rơ bâu ‘nu bơ ngai jang tơ gŭm ( găh ‘măng mă 3b). Hơ drol kơ ƀet pơ long, dôm bơ ngai jang tơ gŭm athei tơ roi tơ băt y tế , khăm hơ len dôm tơ drong hiôk pơm lăp hăm ‘mĕh vă jơ hngơ̆m pran vă ƀet. Hơ drol ‘noh, 13 rơ bâu ‘nu bơ ngai jang tơ gŭm (‘măng mă 3a păng 3b) hlôi ƀet đang jrŭm ƀet pơ long blŭng a vaccine Nano Covax lơ̆m ‘năr 14/7; đơ̆ng rŏng ‘noh, 1 rơ bâu ‘nu bơ ngai jang tơ gŭm (‘măng mă 3a) ƀet đang jrŭm ƀet mă 2 lơ̆m ‘năr 22/7. Dôm bơ ngai jang tơ gŭm âu đei jơ hngơ̆m pran sơ đơ̆ng, ư̆h kơ đei ƀôh bơ ngai tơ ƀơ̆p blơ̆ pơ gang. ‘Năr 15/8 truh, tơ chĕng hơ drol anih jang gô ƀet đang jrŭm 2 kơ pơ đĭ jăl jang 3.

Thuem: Tơ blơ̆