VOV4.Bahnar - Ƀok Dương Văn Trang- Bơ ngai jang lơ̆m Trung ương Đảng, Bí thư anih jang Đảng dêh char Kon Tum ‘nao pơ gơ̆r năm tơ mang păng bơ̆ jang hăm kang ƀô̆, khŭl linh kơ đông linh vei lăng ‘măng jang sơ lam apŭng plĕnh teh Bờ Y. Kiơ̆ tơ roi tơ băt, lơ̆m sơ năm 2020 păng jăl khei mă I/2021, Kơ đông linh hlôi rôp, tơ kêng 6 ‘măng pơm yoch, 9 ‘nu pơm glăi, thu iŏk hloh 13kĭ ma túy rim kơ loăi, hlôi pơm đang hô sơ blŭng a, pơ jao bơ ngai, tơ mam, gre ăn kơ Kŏng an dêh char hơ nơ̆ng dăr hơ len, sek phak kiơ̆ tơ drong hơ găt đơ̆ng khôi luơ̆t; sek phak hloh 130 ‘măng pơm yoch, hloh 350 ‘nu bơ ngai pơm glăi tơ drong tơ chơ̆t tơ ring sơ lam păng mơ̆t lĕch glăi tơ̆ teh đak đe; jang hơ dai hăm rim khŭl linh kơ pal chă ƀôh, rôp vei  2 ‘măng/ 2 ‘nu pơm glăi, thu iŏk hloh 1.430 kĭ hơ mlăi rim kơ loăi...

Lơ̆m jơ bơ̆ jang

Pơ tôch jơ bơ̆ jang, Bí thư anih jang Đảng dêh char Kon Tum Dương Văn Trang athei Khŭl pơ gơ̆r Kơ đông linh vei lăng ‘măng jang sơ lam apŭng plĕnh teh Bờ Y bơ̆ jangmă tơ năp, hơ nơ̆ng pơ lung kang ƀô̆, khŭl linh anih jang jang đang ‘lơ̆ng rim tơ drong jang đei pơ jao; đĭ jơ hngơ̆m kơ chăng, pơ ‘lơ̆ng, ư̆h kơ jrok trong, pơm glăi khôi luơ̆t.

Thuem: Tơ blơ̆