VOV4.Bahnar - Pơ gê ‘năr 30/9, tơ drong jang pơm gơng Thủ Thiêm 2 pơ tơm pơ trơp hơ dai 2 bơ nơ̆ păh pơ lei tơm Thủ Đức păng Quận 1, pơ lei tơm Hồ Chí Minh. Vang akŏm pơm lêh đei Bơ ngai jang lơ̆m Anih tơm Chĭnh trĭ, Bí thư anih jang Đảng pơ lei tơm Hồ Chí Minh Nguyễn Văn Nên, Kơ dră Anih vei lăng kon pơ lei pơ lei tơm Phan Văn Mãi păng tang măt rim anih jang. Tơ ‘ngla tơ mơ̆t jên jang ‘noh jĭ Kŏng ti tơ mơ̆t jên jang pơm hnam, trong, gơng Đại Quang Minh, akŏp kơ sô̆ jên tơ mơ̆t jang ‘noh 4.260 ti hlak jên, kơ sô̆ tơ mơ̆t jang kiơ̆ trong kơ dih, teh đak (PPP).

Gơng Thủ Thiêm gô tơ ƀưh pơ lei tơm Thủ Đức hăm Quận 1

Tơ drong jang pơm gơng Thủ Thiêm 2 hơ tăih hloh 1,4 km, lơ̆m noh gơng kơ jung 886 m hăm 6 tong gre kơ dâu mĭnh ‘măng. Gơ đei pơm tơ ley pơ dăng hăm jrăng kơ jung 113 m. Tơ drong jang pơm gơng Thủ Thiêm 2 ‘noh jĭ tơ drong jang tơm oei lơ̆m tơ drong jang hơ dai tang găn jĭ hai, hơ tŏk tơ iung mŭk drăm - tơ pôl kơ pơ lei tơm hai. ‘Nâu jĭ 1 lơ̆m kơ sô̆ tŏ sĕt tơ drong jang đei Anih vei lăng kon pơ lei pơ lei tơm ăn phep jang lơ̆m khei ‘năr pơm kiơ̆ ưh kơ ăn yak vih vơ̆t lơ̆m tơ pôl.

Thuem: Tơ blơ̆