VOV4.Bahnar - Khu\l bơ\ jang kơ Khu\l che\p kơ\l pơ gơ\r an^h jang Đảng de#h char Dak Lak yua đơ\ng [ok Bùi Văn Cường – bơ ngai jang lơ\m Trung ương Đảng, Bí thư Đảng de#h char Dak Lak pơm kơ dră khu\l hlôi năm hơ len lăng tơ pă rim tơ drong jang to\k bo\k tơ le\ch jang păng to\k bo\k krao hơ vơn tơ mơ\t jên jang lơ\m pơ lei tơm Buôn Ma Thuột.

Kiơ\ lơ\m tơ drong ap^nh đơ\ng pơ lei tơm, khu\l bơ\ jang hlôi hơ len lăng rim tơ drong jang de#h char to\k bo\k krao tơ mơ\t jên jang ‘no\h j^ an^h kơ drơ\m kơ so# 1, 2, 3 găh pơ băh trong hơ le\ch pơ mơ\t, an^h kơ drơ\m cham char bri brăh dơ nâu đak Ea Tam tơ\ phường Tự An; cham golf dơ nâu đak Ea Kao, xăh Ea Kao;....

Tơ drong tơm đơ\ng jơ dăr hơ len vă hơ len lăng, băt hơ dăh tơ drong tơ mơ\t jên jang an^h jang kăl tơ\ rim tơ drong jang to\k bo\k krao hơ vơn tơ mơ\t jên jang păng tơ che\ng hơ drol tơ le\ch jang lơ\m pơ lei tơm. Pơ tôch năm hơ len yan âu gô tơ gu\m an^h jang Đảng de#h char đei trong pơ gơ\r hơ dăh hăm rim tơ drong jang, mă loi ‘no\h j^ tơ [o#h trong vă jang ăn pơ lei tơm Buôn Ma Thuột jang ‘lơ\ng tơ drong jang che\ng hơ met te\h, ming man an^h jang kăl ‘nao pơ yua ăn hơ to\k tơ iung tôm tơ drong rim tơ drong jang păng đei trong lăng đunh đai.

Thuem: Tơ blơ\