VOV4.Bahnar - Pơ gê 25/5, ƀok Dương Văn Trang - Kơ dră jang lơ̆m Trung ương Đảng, Bí thư Đảng dêh char Kon Tum truh hơ pong, bơ̆ jang hăm HTX Choh jang xa hơ tŏ băl Pô Kô Farms tơ̆ apŭng Đăk Hà. Sơ năm 2020 jĭ sơ năm mă blŭng Pô Kô Farms hơ nhăk tĕch tơ̆ ‘ngoăih 2 kơ loăi tơ mam: Chĕh phe hơ drĕng ot păng phe brê. ‘Ngoăih kơ chĕh phe hơ drĕng ot đei rơih đơ̆ng plei chĕh phe ‘lơ̆ng ‘nŏh phe ƀrê jĭ tơ mam vei lăng ‘lơ̆ng jơ hngâm jăn, đei pơ tăm hơ lam lơ̆m dôm pơ gar chĕh phe.

 Pô Kô Farms jing anih pơ truh tơ mam rơ gŏh ‘lơ̆ng, pơm lăp hăm tơ drong chih tơ băt hơ năn tơ mam ăn lơ hnam kơ măy hơ drĕng ot lơ̆m tĕh đak păng apŭng plenh tĕh. Sơ năm 2020, akŏm đĭ đăng iŏk yoa đei hlŏh 18 ti hlak jên. Bí thư Đảng dêh char Kon Tum athei HTX hơ nơ̆ng hơ met pơ ‘lơ̆ng khul jang vă hơ tŏk tơ drong đei yoa, tơ guăt 1 ƀơ̆r đon, akŏm jơ hngâm đon rơ gei vă pơ gơ̆r, vei lăng pơ jing HTX. Atŭm hăm ‘nŏh krao hơ vơn apŭng Đăk Hà pơih xă trong jang HTX âu tơ̆ dôm tơ ring nai dơ̆ng.

Dơ̆ng: Tơ blơ̆