VOV4.Bahnar - Bơ\ jang kiơ\ trong jang đơ\ng Khul kơ dră te\h đak găh tơ drong pơ gơ\r Têt hue lăng truh tơ\ tơ ring, bơ ngai tơ nuh, u\nh hnam kơ tuei bơ ngai, erih xa hơ dro# hơ drăn, Binh đoàn 15 (An^h tơm vei lăng khul linh te\h đak), pơ gơ\r hơ păh hlo\h 5.000 tơ pu tơ mam ăn dôm pơ lei pơ la tơ\ tơ ring sơ lam dôm dêh char găh Tu Tây Nguyên. Dôm tơ mam têt vang tơ gu\m ăn kon pơ lei vang xa têt chơt hơ iă [iơ\.

Hơ len năng dôm kơ loăi tơ mam xa adrol kơ pơ jao ăn kon pơ lei xa Têt

Tơ\ ti che\p tơ mam dơ diu hăm tôm tơ mam xa têt nhen phe tơ yông, đak kho, ka kro, [oh păng [e\ng ke\o yoa Kơ dră che\p kơ\l Binh đoàn 15 jur hơ păh ăn, kră pơ lei Rơ Mah Bôk, tơ\ plei Đe, xăh Ia Me tôch hơ iă. Kră pơ lei tơ roi, sơ năm âu ki, kon pơ lei hiong răm tôch lơ yoa đơ\ng to\ phang, ‘mi kial păng kơ jă tơ mam đơ\ng cho\h jang xa nhen [um, hơ [o jur tôch dêh kơ na lơ u\nh hnam mơ mat tat, nge\h ưh kơ pă đei xa têt bơih. Mă lei dang ei đei Binh đoàn 15 tơ gu\m, hơ păh tơ mam ăn dôm u\nh hnam mơ mat tat, hăm tôm kơ loăi tơ mam xa pơ ‘nho\ ăn năr têt kơ na hnam yơ ku\m pơ gơ\r sơng sơ năm ‘nao chơt hơ iă ngăl.

Kră pơ lei Rơ Mah Bôk, pơ ma: “Kon pơ lei tơ\ tơ ring atăih yăih nhôn tôch hơ iă [ât đei io\k tơ mam đơ\ng {ô đo#i Binh đoàn 15, đơ\ng [ô đo#i Công ty Bình Dương. Sơ năm ‘nao 2017, vă hơ drin jang xa, ato\k tơ iung tơ drong jang, mă loi j^ hăm đe druh dăm, athei adrin kiơ\ [ô đo#i năm jang pơm ko\ng nhơ\n, chrek kơ tăk cao su, đei xa jên khei. Kon pơ lei vă hơ nơ\ng tơ guăt pôm nơ\r [ơ\r đon hăm [ô đo#i, pơ jing tơ ring sơ lam roi đunh roi pran kơ jăp.”

Tơ mam Têt ăn đe kră pơ lei, [ok pơ gơ\r pơ lei tơ\ tơ ring sơ lam

Trung tá Nguyễn Phúc Kính, Kơ dră che\p kơ\l Công ty Bình Dương, Binh đoàn 15, ăn tơ băt, bơ\ jang tơ drong jang tơ\ apu\ng sơ lam Chư Prông đ^ lơ sơ năm bơih kơ na công ty băt hơ dăh tơ drong erih xa mơ mat tat đơ\ng đe ko\ng nhơ\n ku\m nhen kon pơ lei tơ\ dôm pơ lei pơ la, mă loi j^ kon pơ lei kon kông. Yoa thoi no\h, mă đơ\ng jang xa, te\ch mơ dro dôm sơ năm âu ki tơ [âp mơ mat tat ră mă lei an^h jang oei kơ chăng tơ le\ch trong tơ gu\m ăn dôm u\nh hnam mơ mat tat sơng xa Têt.

Trung tá Nguyễn Phúc Kính, pơ ma: “Công ty Bình Dương nhôn jang xa tơ\ 5 xăh, đei vă je# 70% ‘no\h j^ kon pơ lei kon kông. {ât sơng sơ năm ‘nao Đinh Dậu âu nhôn ku\m hăm Binh đoàn năm jur ngôi tơ\ dôm u\nh hnam đei ko\ng, u\nh hnam kon kông tơ nuh hin, bơ ngai jang, đe kră pơ lei, [ok pơ gơ\r pơ lei. Hơ dai hăm ‘no\h nhôn pơ gơ\r xa têt chơt hơ iă tơ\ pơ lei pơ la, tơ\ dôm khul cho\h jang.”

Tơ\ Binh đoàn, sơ năm ‘nâu, hăm lơ kơ so# jên mong ako\m đei, Binh đoàn 15 (An^h tơm vei lăng khul linh te\h đak) pơ gơ\r hơ păh hlo\h 5.000 tơ pu tơ mam, 1 tơ pu đei kơ jă 500 rơ bâu ăn kon pơ lei tơ\ dôm pơ lei pơ la lơ\m tơ ring sơ lam kơ 2 dêh char Gia Lai păng Kon Tum.

Đại tá Nguyễn Đức Thanh hơ păh tơ mam Têt ăn đe hơ io\h

erih xa mơ mat tat tơ\ tơ ring sơ lam

Đại tá Nguyễn Đức Thành, Bí thư Đảng, Pho\ Kơ dră che\p kơ\l Binh đoàn 15 ăn tơ băt, ku\m hăm dôm tơ mam drăm, dôm Công ty, khul cho\h jang lơ\m Binh đoàn oei tơ gu\m păng pơ gơ\r xa têt hơ dai hăm kon pơ lei tơ\ lơ pơ lei dơ\ng. Kiơ\ đơ\ng no\h, pơ jing tơ hngâm đon ‘mêm băl, jang hơ doi kơ jăp đơ\ng Binh đoàn hăm kon pơ lei, vang tơ gop pơ jing tơ ring sơ lam găh Tu Tây Nguyên roi pran kơ jăp.

Đại tá Nguyễn Đức Thành, pơ ma: “Trong jang đơ\ng An^h jang Đảng, Khul kơ dră che\p kơ\l Binh đoàn 15 ‘no\h tơ le\ch 1 păh jên păng mong ako\m jên đơ\ng chă tơ ra tơ gop vă hơ met têt ăn kon pơ lei tơ nuh, mă loi j^ kon pơ lei kon kông tơ\ tơ ring atăih yăih, tơ ring Binh đoàn pơm kơ đông oei. Trong jang ‘no\h j^ ưh kơ le# kăn [o#, bơ ngai jang, ku\m nhen kon pơ lei kon kông lơ\m tơ ring ưh đei xa têt.”

Công Bắc: Chih

Dơ\ng: Tơ blơ\