VOV4.Bahnar - Tơdrong hơmơt tơpŏh jĭ hơbŭh Covid-19 kơtang tơ̆ dêh char Bình Dương đei ƀơm trŭh hơnĭh hnam oei kơ kŏng nhân jang păng hơnĭh jang kmăi kmŏk. Tơdrong kơtơ̆ng ang đei Dơnŏ anĭh chĕp pơgơ̆r Tĕh đak găh tang găn jĭ hơbŭh Covid-19 tơlĕch ăn tơ̆ hop akŏm trư̆k tuyên hăm Kơdră chĕp pơgơ̆r Bình Dương, pơgê năr 30/6. Kơ iĕng Thủ tướng Vũ Đức Đam, Kơdră Dơnŏ anĭh chĕp pơgơ̆r pơm tơm hop akŏm. Tơbăt tơ̆ hop akom, jô̆ trŭh dang ei, Bình Dương hlôi đei hlŏh 300 ‘nu bơngai tơpŏh jĭ Covid 19, lơ̆m au kơsô̆ F0 đei ƀô̆h tơ̆ 32 kŏng ty, lơ̆m tơring jang kmaiw kmŏk hlôi đei 39 F0. Đei 3 hơnĭh jĭ hơbŭh lơ tơ̆ tơring păng hlôi tơpŏh năm tơ̆ 10 phương kơ 3 apŭng păng pơlei tơm. Tơ̆ ‘măng hop akŏm, Kơ iĕng Thủ tướng Vũ Đức Đam athei, Bình Dương kăl vei lăng kơ hret tơdrong jang lơ bơngai, lăng kơ jăp hăm dôm bơngai ƀônh tơpŏh; Kăl klăh asong 2 khŭl khăm hơlen, hơlen kơ jăp lơ̆m tơpôl păng dôm bơngai hơmơt đei tơpŏh, kăl atŏk kơtang khŭl jang ĭk pham khăm hơlen păng hơdrin lơ̆m 1 măng 1 năr khăm hơlen keh đang păng hơdrin jang hloi pơ đĭ realtime PCR.

Tơblơ̆ nơ̆r: Amazưt