VOV4.Bahnar – Vă tơgŭm kon pơlei lơ̆m khei năr pơm kiơ̆ pơkăp oei tơklăh lơ̆m tơpôl vă tang găn păng tơjră pơrang jĭ Covid-19, Anih tơm pơgơ̆r Linh dêh char Đak Nông hlôi pơgơ̆r dôm anih tĕch tơmam “0 hlj” tơ̆ dôm tơring oei pơm kiơ̆ pơkăp oei tơklăh vă tơgŭm kon pơlei yak hloh tơnap tap.

          Hlôi đei hloh 500 unh hnam kon pơlei lơ̆m anih pơvei, anih pơkăp oei tơklăh đei anih tĕch tơmam “0 hlj” tơgŭm dôm tơmam drăm kăl hăm kơsô̆ jên hloh 350 trĭu hlj. Hăm tơdrong hơbuh hli đơ̆ng pơrang jĭ Covid-19 dang ei. Anih tơm pơgơ̆r Linh dêh char Đak Nông hơvơn rim anih jang 'mêm bơnat pơtoi yak hadoi hăm anih tĕch tơmam “0 hlj” kiơ̆ pơkăp bơngai yơ truh iŏk, bơngai yơ truh tơgŭm kon pơlei vă xơđơ̆ng tơjră pơrang jĭ.

Lan chih păng pơre nơ̆r