VOV4.Bahnar - Pơgê năr 15/10, tơ̆ tơring Hơdrơ̆ng 16.3, găh hơdrar tĕh đak Việt Nam-Campuchia, Ƀô̆ đô̆i vei lăng sơlam tĕh đak dêh char Kon Tum pôk ăn tơmam drăm sa, tơmam drăm jang pơgang ăn Khŭl lĭnh dêh char Rattanakiri, tĕh đak Campuchia.

Ƀô̆ đô̆i vei lăng sơlam tĕh đak dêh char Kon Tum pôk ăn tơmam drăm saăn khŭl lĭnh vei lăng sơlam tĕh đak Campuchia

Mă hơdăh, khŭl hlôi pôk ăn 3 tân 5 tă phe, 20 kơthŭng mitôm atŭm hăm mĭnh ƀar tơmam drăm sa anai păng tơmam drăm jang pơgang tơgŭm ăn tang găn jĭ hơbŭh Covid-19 hăm kơ jă kơ jên hlŏh 55 trĭu hlak jên. Tơdrong jang au vă hơmet pơ ‘lơ̆ng, atŏk kơtang tơgoăt tơgoăl, jang hơdoi kơ ƀar khŭl lĭnh vei lăng sơlam tĕh đak, tang găn đe mơ̆t lĕch glăi, tang găn rim tơdrong pơm yoch păng tang găn jĭ hơbŭh Covid-19.

Tơblơ̆ nơ̆r: Amazưt