VOV4.Bahnar – Anih tơm Ƀô̆ đô̆i vei xơlam teh ‘nao pơtruh hla bar ăn dôm anih linh lơ̆m Anih tơm Pơgơ̆r linh kơ dôm dêh char xơlam teh pơtoi vei kơjăp tơdrong hơlen tơ̆ trong xơlam teh vă tang găn păng tơjră pơrang jĭ Covid-19.

Kiơ̆ kơ noh, pơkăl Khul Linh vei xơlam teh tơ̆ dôm tơring jang atŭm kơjăp hăm xơnong hơtŏk pran tơdrong jang tôm kon pơlei tơbang dôm bơngai mơ̆t lĕch găn xơlam teh glăi truh Việt Nam yuơ Thủ tướng teh đak tơlĕch; hơvơn tôm anih jang chĭnh trĭ, tôm kon pơlei pơm jang tôm tong, pran kơjăp, đei jơnei tơnăp lơ̆m tơdrong tang găn păng tơjră pơrang jĭ, vei xơđơ̆ng xơlam teh, xơđơ̆ng tơpôl lơ̆m tơring xơlam teh. Hăt hot tơlĕch dôm trong jang, băt hơdăh păng tơroi trŏ tơdrong đei ƀôh; vei lăng kơjăp tơring, kon bơngai, dôm khul pơgơ̆r ‘nhăk bơngai mơ̆t lĕch glăi găn xơlam teh vă pơjing trong jang tơnăp, tơjră đei jơnei găh tôm tơdrong.

Lan chih păng pơre nơ̆r