VOV4.Bahnar - Plei B’Nơ C, thị trấn Lạc Dương, apu\ng Lạc Dương (Lâm Đồng) đei 100% kon pơ lei oei ‘no\h j^ bơ ngai K’Ho. Dôm sơ năm âu ki, gơ nang đơ\ng tơ pl^h pran kơ tang lơ\m trong tơ che\ng, trong jang, hơ drin ho\k pơ hrăm, hơ nhăk khoa ho\k ki thuơ\t lơ\m jang sa, hu\t răh dôm tơ drong joăt so ư\h kơ ‘lơ\ng, lăng kăl păng vang tơ gu\m pơ jing tơ ring tơ rang ‘nao… tru\h dang ei, tơ drong ar6h sa kơ kon pơ lei tơ\ tơ ring ‘nâu hlôi yak hlo\h hơ to\k tơ iung tôm tơ drong. Vă đei đăi tơ drong ‘lơ\ng âu, ‘ngoăih kơ tơ drong bơ ngơ\t tru\h tơ mơ\t jên jang đơ\ng Đảng păng te\h đak, đei tơ gop t^h đơ\ng dôm kang [o# tơ ring nhen Rơ Ông Ka Ương – Chi hội kơ dră vei lăng dro\ kăn kơ pơ lei.

Sơng nhôn lơ\m hnam t^h ‘lơ\ng păng tôm te\ch tơ mam, mo\ Rơ Ông Ka Ương tơ roi tơ băt: ‘me\h kon pơ lei lơ\m pơ lei tơ pl^h trong tơ che\ng, trong jang mă hơ drol kơ d^h kâu athei jing bơ ngai năm hơ drol lơ\m bơ\ jang kiơ\. Kơ l^h thoi no\h, 7 sơ năm hơ drol, 5/8 sao che\h phe kră krut kơ u\nh hnam hlôi đei mo\ tơ pl^h jing pơ tăm ‘nhot rim kơ loăi kiơ\ trong pơ tăm pơ lơ\h băl. {ơ\t [o#h đei io\k yua đơ\ng tơ drong jang hơ to\k tơ iung mu\k drăm kơ u\nh hnam kơ d^h hơ nhăk ăn, lơ dro\ kăn lơ\m pơ lei hlôi ho\k pơ hrăm păng jang kiơ\.

Mo\ Rơ Ông Ka Ương, pơ ma: “ Kơ d^h kâu ^nh ling lang tơ gu\m mo\ o\h lơ\m pơ lei pơ la. &nh ‘no\h đei hnam kơ jăp ‘lơ\ng, tôm te\ch tơ mam, mă lăng dơ\ng mo\ o\h oei tơ [ơ\p lơ mơ mat nat de#h ‘no\h ^nh ư\h kơ hiôk. Hơ drol sơ\, yua ư\h kơ hlo#h vao, ư\h kơ tơ mơ\t yua khoa ho\k ki thuơ\t lơ\m jang sa, kơ na rim đe mo\ o\h hơ nơ\ng ư\h kơ măh phe sa [a so\ng, hơ bơ\n ao hru\k. Dang ei ^nh đei băt ho\k pơ hrăm păng đei hlo#h vao, kơ na ‘me\h pơ tho ăn kơ đe mo\ o\h lơ\m pơ la pơ la jang kiơ\. &nh hơ drin năm tru\h rim u\nh hnam vă pơ ma dơ nu\h, tơ gu\m. {ơ\t [o#h đe ‘nho\ng, đe mo\, đe o\h so\ng sa măh, đei hơ băn ao hru\k, đei hnam đei gre, kon hơ ‘lơ\p hok pơ hrăm ‘lơ\ng ‘no\h ^nh [o#h chhôk hơ iă de#h”.  

‘Ngoăih kơ pơ tăm ‘nhot rim kơ loăi, u\nh hnam mo\ Rơ Ông Ka Ương oei pơ tăm 1,2 kơ loăi pơ kao kăt dơng vă te\ch ăn kơ rim an^h te\ch mơ dro tơm tơ\  Đà Lạt. Ư|h kơ jo# jên pơ tăm, jo# păh lăp 1 sơ năm u\nh hnam mo\ io\k lơi hlo\h 300 triệu hlak jên. Tơ drong jang pơ tăm ‘nhot đơ\ng u\nh hnam Ka Ương hlôi jing tơ drong jang pơ long vă kơ kon pơ lei lơ\m tơ ring ho\k pơ hrăm tơ drong hlo#h vao păng tơ mơ\t yua jang kiơ\. Gơ nang đơ\ng no\h, tơ drong ar^h sa mu\k drăm kơ kon pơ lei plei B’Nơ C hlôi [rư\ [rư\ đei sơ đơ\ng, tơ drong pơ ngot dơ nu\h hin dru\h kiơ\ hơ nơ\ng hlôi [rư\ [rư\ đei kơ du\n le\ch đơ\ng rim hnam.  

Ư|h khan lăp hơ dro# pơ\n tơ pl^h ‘nao trong jang sa vă kơ kon pơ lei lơ\m pơ lei ho\k pơ hrăm, Rơ Ông Ka Ương oei năm hơ drol lơ\m pơ jing tơ drong ar^h sa ‘lơ\ng hơ iă. Dơ\ng io\k krao hơ vơn kon pơ lei lơ\m pơ lei tơ pl^h đon hlo#h vao, hu\t le# dôm tơ drong joăt so ư\h kơ ‘lơ\ng, lui nge\h kư\ kă, ‘mơ ‘met jên pơ gơ\r bơ\n pơ dong [u\ bơ ngai lôch, et pơ kong…

Mo\ Rơ Ông Ka Ương tơ roi tơ băt: “ {ơ\t hơ drol sơ\ plei nhôn oei kiơ\ tơ drong joăt so ư\h kơ ‘lơ\ng, u\nh hnam lơ kon đei tru\h 5 – 6 ‘nu kon, bơ ngơ\t ăn kơ kon ho\k ư\h kơ tôm. Mă lei hrei ‘nâu ư\h pă thoi no\h bơ\ih, rim ‘nu adoi hlôi tơ pl^h, băt kơ tang găn rơ ne\h kon lơ, 1 u\nh hnam adoi đei đơ\ng 1 tru\h 2 ‘nu kon, dro\ nglo dro\ kăn adoi đei lăng kăl lei lăi băl, đơ\ng no\h ăn kon hơ ‘lơ\p ho\k pơ hrăm tôm. Dang ei lơ\m pơ lei ku\m đ^ hu\t le# dôm tơ drong joăt so ư\h kơ ‘lơ\ng găh tơ drong io\k u\nh om hro#ih dăh mă tơ oei băl hơ găm. U|nh hnam đei tơ drong ‘mêm kơ eng, tơ goăt tơ goăl pơ lei pơ la đei hơ to\k ‘lơ\ng”. 

Tơ roi găh mo\ Rơ Ông Ka Ương, yă Lê Thị Nga, Kơ dră vei lăng Khu\l dro\ kăn thị trấn Lạc Dương, apu\ng Lạc Dương chhôk hơ iă tơ roi tơ băt, ‘nâu j^ kang [o# khu\l tơ ring hơ gei hlo\h, tơ gop t^h lơ\m hơ to\k đon hlo#h vao, tơ pl^h ‘nao đon tơ che\ng lơ\m pơ jing tơ drong ar^h ‘nao lơ\m tơ ring kon pơ lei kon kông tơ\ tơ ring: “Kon pơ lei tơ\ âu tôch kơ 1 jơ hngơ\m đon, đơ\ng [ơ\t pơ jing rim tơ drong jang sa, tơ gu\m băl găh năr jang, ‘long hơ dre\ch, jên jang… mă mo\ Ka Ương jing bơ ngai năm hơ drol lơ\m dôm tơ drong jang âu, tơ gu\m mo\ o\h dro\ kăn păng kon pơ lei kueng [ôt vang hơ dai băl hơ to\k tơ iung mu\k drăm to\k. Hơ dai hăm ‘no\h, mo\ Ka Ương j^ 1 lơ\m dôm kang [o# khu\l tơ ring jang hơ gei hlo\h, j^ bơ ngai jang ‘lơ\ng lơ\m khu\l dro\ kăn tơ\ tơ ring kơ nhôn. Lơ\m rim jăl jang âu ki, mo\ adoi đei tôch kơ lơ pôk pơ ư, pôk hơ păh, j^ bơ ngai ‘lơ\ng vă kơ lơ mo\ o\h ho\k pơ hrăm”

Năm tơ mang tơ\ plei B’Nơ C, thị trấn Lạc Dương, apu\ng Lạc Dương (Lâm Đồng) hrei ‘nâu, nhôn tôch bơ hơ\ng tơ\ hơ năp tơ drong tơ pl^h ‘lơ\ng đơ\ng tơ pôl bơ ngai kon kông tơ ring ‘nâu. Dôm pơ gar che\h phe kră, dôm chu\n na hu\t hơ chăng năr hơ yơ dang ei hlôi đei klơ\p 1 kơ mâu ‘lơ\ng hơ iă yua đơ\ng dôm kơ loăi ‘nhot – pơ kao ‘lơ\ng, trong lơ\m pơ lei, trong glung hlôi đei pơm hăm [ê to\ng ‘lơ\ng, găh lơ hnam oei adoi pơm kơ jăp ‘lơ\ng ngăl…

Đei tơ drong tơ pl^h t^h thoi no\h ‘no\h j^ gơ nang đơ\ng rim tơ drong jang tơ mơ\t jên jang đơ\ng Đảng păng te\h đak hlôi hơ to\k đei yua, ku\m hăm tơ drong tơ gop t^h đơ\ng kang [o# tơ ring ling lang iung jang hơ drol lơ\m pơ gơ\r jang sa păng ar^h sa ‘lơ\ng, đơ\ng no\h krao hơ vơn vang tơ gu\m tơ drong hlo#h vao vă kơ kon pơ lei lơ\m pơ lei vang jang kiơ\. Lơ\m tơ drong tơ pl^h ‘no\h, đei tơ drong tơ gop jơ hngơ\m đơ\ng mo\ Rơ Ông Ka Ương, bơ ngai hlôi ư\h kơ đei pơ dơ\h hơ drin, krao hơ vơn păng tơ gu\m rim ‘nu bơ ngai vang hơ drin klăih đơ\ng dơ nu\h hin, vang tơ gu\m pơ jing tơ drong ar^h sa ‘nao ph^ tơ nơ\ hiôk hian.  

Thuem tơ blơ\