VOV4.Bahnar - Đơ̆ng rŏng 21 năr hơ met tơ̆ hnam pơ gang Lao păng Tơ sŏk dêh char Dak Lak hăm 3 ‘măng set hơ len tơ jê̆ âu ưh pă đei pơ rang jĭ SARS- CoV2, pơ gê 22/6, bơ ngai jĭ COVID-19 kơ sô̆ 7186 hlôi brŏk đơ̆ng hnam pơ gang. Bơ ngai jĭ COVID-19 kơ sô̆ 7186 tơ̆ xăh Cư Mốt, apŭng Ea H’leo, dêh char Dak Lak. Bơ ngai jĭ âu đei băt tơ pŏh jĭ SARS-CoV-2 ‘năr 30/5. ‘Nâu jĭ bơ ngai đei ƀơm truh bơ ngai jĭ lơ̆m khul lui Phục Hưng tơ̆ plt Hồ Chí Minh.

Bơ ngai jĭ COVID-19 kơ sô̆ 7186 brŏk đơ̆ng hnam pơ gang

Ƀơm truh bơ ngai jĭ âu, Dơ nŏ anih vei lăng kon pơ lei apŭng Ea H’leo hlôi pơ vang găn 3 pơ lei păng 9 anih, hăm hlŏh 2.500 ‘nu bơ ngai. Bơ̆ jang ưh ăn yak vât vih lơ̆m tơ pôl kiơ̆ tơ drong Tơ chơ̆t 15 đơ̆ng Thủ tướng tĕh đak hăm thĭ trơ̆n Ea Drăng, xăh Ea Wy, xăh Cư Mốt hăm 36.000 ‘nu bơ ngai. Đơ̆ng rŏng kơ brŏk đơ̆ng hnam pơ gang, bơ ngai jĭ đei chơ vih tơ̆ hnam sư vă hơ nơ̆ng hơ len năng dơ̆ng jơ hngâm pran kiơ̆ tơ drong hơ găt đơ̆ng Anih tơm vei lăng jang pơ gang.

Dơ̆ng: Tơ blơ̆