VOV4.Bahnar - {ok Hiroshi Fukada, Bơ ngai tang măt rim tơ drong ăn Nhật Bản tơ\ Việt Nam ‘nao truh lăng tơ\ Pơ gar ‘long te\h đak Bidoup - Núi Bà păng dôm pơ gar cho\h jang xa hăm kơ măy kơ mo\k ‘nao tơ\ Lâm Đồng. Truh tơ\ Pơ gar ‘long te\h đak Bidoup - Núi Bà, tơ\ apu\ng Lạc Dương, Bơ ngai tang măt Hiroshi Fukada ku\m hăm khul jang dăr lăng dôm tơ drong tơ gu\m ăn tơ drong erih xa tơ pôl yoa An^h jang hơ doi hăm apu\ng plenh te\h kơ Nhật Bản (JICA) tơ gu\m. Tơ\ xăh Dă Sar, apu\ng Lạc Dương, Bơ ngai tang măt ku\m hăm Khul jang truh lăng pơ gar Langbiang Farm pơ tăm yâu tây tơ\ kơ deng, vei rong hăm kơ măy lơ\m hnam kơ m^l đơ\ng châu Âu, tơ mam jang đei lăp hăm tơ drong tơ chơ\t GlobalGAP. Tơ\ apu\ng Đức Trọng, Bơ ngai tang măt ku\m hăm khul jang truh lăng Pơ gar xă Phong Thúy oei pơ tăm 45ha ‘nhot lơ kơ loăi hăm kơ măy kơ mo\k ‘nao, hơ bo\ lăng lơ\m sơ năm 2015 jang xa gô io\k đei dang 150 ti hlak jên; truh lăng tơ ring cho\h jang xa hăm kơ măy Tân Phú xă 350ha, je# trong gre păr, trong te\h tôch hiôk hian ăn an^h jang đơ\ng te\h đak đe pơ ma atu\m, dôm an^h jang đơ\ng Nhật Bản pơ ma adro# truh tơ mât jên jang xa hăm kơ măy kơ mo\k ‘nao sơ đơ\ng, đunh khei ‘năr.

Dơ\ng: Tơ blơ\