VOV4.Bahnar – Dêh char Dak Lak dang ei đei hlŏh 10 rơ bâu anih tĕch mơ dro oei jang xa, mă lơ ‘nŏh anih tĕch mơ dro păh lăp păng iĕ. Vă tơ gŭm ăn anih tĕch mơ dro, Anih jang đảng dêh char Dak Lak tơ lĕch tơ drong tơ chơ̆t găh tơ plih kơ sô̆ đơ̆ng dang ei truh sơ năm 2025, trong jang truh sơ năm 2030.

Gơ nơm tơ plih ming kơ sô̆, lơ anih tĕch mơ dro tơ̆ Dak Lak tơ jur đei kơ sô̆ bơ ngai jang mă lei  jang xa oei iŏk yoa kơ jăp đĕch

Dêh char tơ lĕch đon pơ hnŏng truh sơ năm 2025 đei dang 60% anih tĕch mơ dro păh lăp păng iĕ jang xa kiơ̆ trong tĕch mơ dro hăm điên tư; iŏk yoa đơ̆ng tĕch mơ dro hăm điên tư tŏk rim sơ năm 10%. Vă gơ̆h iŏk đei tơ drong ‘nâu, Dak Lak vă tơ lĕch hlŏh 1,8 ti hlak jên lơ̆m 5 sơ năm ăn tơ drong jang tơ plih ming kơ sô̆ păng atŏk tơ iung tĕch mơ dro hăm điên tư.

Lơ̆m nŏh đei hơ tŏk tơ drong tơ plih ming kơ sô̆ lơ̆m dôm anih tĕch mơ dro; atŏk tơ iung anih tĕch mơ dro hăm điên tư pơm lăp hăm tơ drong ‘mĕh vă, mă loi hơ tŏk kơ jă tơ mam đơ̆ng choh jang xa, chă tơ mang, tanh sĭt. Tơ gŭm tơ plih ming kơ sô̆ lơ̆m dôm tơ drong choh jang xa, pơ tho pơ hrăm, jang pơ gang, trong nơ năm păng logicstics, kơ măy kơ mŏk păng unh hơ yuh, tơ mam drăm – cham char, jên hu – anih mong jên păng chă tơ mang lăng.

Dơ̆ng: Tơ blơ̆