VOV4.Bahnar - ‘Năr 7-6, tơ\ Hà Nội, An^h vei lăng mu\k drăm Trung ương, An^h tơm jang tơ bôl, An^h jang kơ te\h đak găh bơ ngai Việt Nam tơ\ te\h đak đe, Gru\p “Pơ che\h rơ gei Việt Nam” kơ te\h đak Mi vang pơ gơ\r hop ako\m khul bơ ngai Việt Nam rơ gei, đei ho\k jru\ tơ\ te\h đak đe hăm tơ drong jang ato\k tơ iung mu\k drăm tơ pôl kơ Việt Nam đơ\ng sơ năm 2016-2020 đei anăn “Hơ to\k kơ sư\k pơ jei đơ\ng Việt Nam lơ\m tơ drong jang mu\k drăm jâp plei te\h”.

         Lơ\m hop ako\m, dôm bơ ngai juăt jang, bơ ngai Việt Nam rơ gei đei ho\k jru\; kơ dră che\p kơ\l dôm an^h jang kơ pal vang pơ ma nuh găh dôm tơ drong: tơ plih ‘nao trong jang to\k, hơ met ming trong jang mu\k drăm; jang hăm kơ măy kơ mo\k ‘nao, hơ to\k khul bơ ngai jang rơ gei, khoa ho\k kơ măy kơ mo\k vă hơ to\k kơ sư\k pơ jei ăn Việt Nam. Dôm bơ ngai juăt jang tơ le\ch lơ trong jang tôch rơ đăh vă tơ plih ‘nao khoa ho\k kơ măy kơ mo\k, pơ tho pơ hrăm, tơ plih ‘nao đon pơ che\h...

          Lơ\m hop ako\m, Pho\ kơ dră te\h đak Nguyễn Thị Doan tơ che\ng ‘lơ\ng dôm nơ\r tơ gop đơ\ng bơ ngai Việt Nam rơ gei, đei ho\k jru\ oei tơ\ te\h đak đe ăn lơ tơ drong g^t kăl. Đơ\ng dôm nơ\r tơ gop lơ\m hop ako\m, kơ dră che\p kơ\l Đảng, Te\h đak, dôm an^h jang kơ pal đei dơ\ng lơ tơ drong tơ roi kăl vă hơ met pơ ke\h, tơ plih ‘nao trong jang, tơ drong tơ gu\m.

Dơ\ng: Tơ blơ\