VOV4.Bahnar  – Tơ̆ jơ bơ̆ jang ăh năr 26/4, Khul kơpal kơ Anih tơm Y tê̆ yuơ Ƀô̆ trưởng Nguyễn Thanh Long chĕp kơ̆l hlôi pơm jang găh tơdrong tang găn păng tơjră pơrang jĭ COVID-19 păng tơdrong jang y tê̆ tơ̆ dôm anih jang y tê̆ jăl trung ương lơ̆m plei tơm Cần Thơ, Ƀô̆ trưởng Nguyễn Thanh Long pơkăl Hnam pơgang tơm trung ương Cần Thơ jang atŭm hăm tơring, Hnam trưng đăi hŏk Y dược Cần Thơ, tenh kuăng keh đang hnam pơgang tơdăng jăl trung ương tơ̆ Cần Thơ.  Hnam pơgang tơm trung ương Cần Thơ đei pơjao pơm tơm kơ tơdrong tơgŭm bơngai jang, tơmam drăm y tê̆, kơmăi dui jơhngơ̆m... ăn hnam pơgang tơdăng. Hnam pơgang âu athei jing hnam pơgang jăl mă hơtuch, xơng hơmet ăn dôm bơngai ƀơm jĭ  COVID-19 hlăm, tơgŭm xơng bơngai jĭ đơ̆ng dôm dêh char lơ̆m tơring. Pơkăp mă blŭng noh đơ̆ng 400 tŏ giơng ƀĭch hơmet jĭ, mă lei kơchăng hơtŏk truh 800 tŏ giơng ƀơ̆t đei tơdrong kăl.

Lan chih păng pơre nơ̆r