VOV4.Bahnar – Tơ̆ Anih tơm jang Tơbôl, Ƀô̆ trưởng jang Tơbôl Bùi Thanh Sơn hlôi pơma điê̆n thoăi hăm Ƀĭ thư Đảng ủy Tơring pơgơ̆r kơdih Choang Quảng Tây (Trung Quốc) Lộc Tâm Xã. Tơ̆ jơ pơma đam, Ƀô̆ trưởng Bùi Thanh Sơn xơkơ̆t, Đảng, Teh đak păng kon pơlei Việt Nam adrol anô̆ nhen minh lăng tơgĭt hơtŏk tơbôl jang hadoi tôm tơdrong Việt Nam - Trung Quốc, lơ̆m noh, hơnơ̆ng tơgŭm Anih tơm, rim tơring Việt Nam hơtŏk jang tơbôl hăm Quảng Tây. Găh jang hadoi lơ̆m khei năr truh, Ƀô̆ trưởng Bùi Thanh Sơn pơkăl ƀar păh pơtoi pơma đam tơ̆ dôm jăl jang hơbĕch hloh; hơtŏk tơroi tơbăt, trong pơkăp jang đei tơrĕk truh tang găn păng tơjră pơrang jĭ, jang hadoi găh tang găn păng tơjră pơrang jĭ tơ̆ tơring xơlam teh; iŏk yua dôm trong jang tơbôl vă pơtoi hơtŏk mŭk drăm – tĕch pơdro, pơm trong hiôk ăn tơmam drăm Việt Nam gơh tĕch truh teh đak Trung Quốc.

Lan chih păng pơre nơ̆r