VOV4.Bahnar  – Kơsơ̆ năr 19/5/2021, Ƀô̆ trưởng jang tơbôl Bùi Thanh Sơn hlôi pơma điê̆n thoăi hăm Phŏ Thủ tươ̆ng, Ƀô̆ trưởng jang tơbôl Thái Lan Đon Don Pramudwinai. Ƀar Ƀô̆ trưởng drơ̆ng nơ̆r jang hadoi kơjăp, hơtŏk pơgơ̆r tơnăp dôm tơdrong jang tơbăt 45 xơnăm iung jang tơbôl Việt Nam - Thái Lan, pơtoi hơtŏm axong khul kơpal năm apong dih băl trŏ khei năr, tơlĕch jang kơjăp dôm tơdrong jang hadoi 2 păh, lơ̆m noh đei hop akŏm khul kơpal atŭm 'măng mă 4 yuơ Thủ tướng ƀar teh đak atŭm pơgơ̆r, Anih jang Hadoi ƀar teh đak 'măng mă 4 jăl Ƀô̆ trưởng jang Tơbôl, Hơlen Chĭnh trĭ 'măng mă 8 jăl Thư̆ trưởng jang Tơbôl. Ƀar Ƀô̆ trưởng drơ̆ng nơ̆r hrôih kĭ pơkăp Tơdrong jang hơlen tơbôl Jang hadoi hơtŏk tơ iung đơ̆ng xơnăm 2021-2025; tơlĕch dôm trong hơtŏk tĕch pơdro, tơgop hơtŏk tơ iung mŭk drăm đơ̆ng rŏng kơ pơrang jĭ, adrin hơtŏk tơmam tĕch pơdro 2 păh hrôih đei yua 25 tih đôlar; jang hadoi vă tơjră hăm pơrang jĭ păng tơrĕk hăm vaccine xơđơ̆ng tơnăp.

Lan chih păng pơre nơ̆r