VOV4.Bahnar  – Năr 11/10, Đại tướng Tô Lâm, Ƀô̆ trưởng Anih tơm Kŏng ang hlôi đei tơdrong  hop akŏm trư̆k tuyê̆n hăm yă Josephine Teo, Ƀô̆ trưởng Anih tơm Tơroi tơbăt adoi jang Ƀô̆ trưởng pơgơ̆r anih vei xơđơ̆ng mạng Singapore. Ƀô̆ trưởng Tô Lâm ră hơdăh, tơbôl jang hadoi Việt Nam – Singapore lơ̆m khei năr âu ki hơnơ̆ng đei hơtŏm găh lơ tơdrong jang.

          Tơbôl jang hadoi đơ̆ng Anih tơm Kŏng ang Việt Nam hăm dôm anih jang găh khôi luơ̆t Singapore pơtoi đei hơtŏk xơđơ̆ng. Anih tơm Kŏng ang Việt Nam păng dôm anih jang kơpal Singapore hlôi dar deh pơih xă tơdrong jang hadoi, tơroi tơbăt đơ̆ng khul kơdră kơpal kơ 2 păh vă pơma đam găh tơdrong kăl jang hadoi lơ̆m tơdrong vei xơđơ̆ng mạng, tang găn păng tơjră pơm glăi găh mạng. Găh kơdih po, yă Josephine Teo xơkơ̆t Singapore gô tơlĕch, pơma đam tơguăt hăm dôm teh đak pran, jang kơjăp găh trong jang 'nao nhen Mih, Nhâ̆t, Hàn Quốc vă dôm teh đak noh tơgŭm ăn dôm anih jang kơpal găh xơđơ̆ng mạng lơ̆m ASEAN gơh đei tơrĕk păng iŏk yua lơ̆m tơdrong jang vei xơđơ̆ng.

Lan chih păng pơre nơ̆r