VOV4.Bahnar - ‘Năr 9/6, Thủ tướng Phạm Minh Chính kĭ tơ drong tơ chơ̆t athei, pôk hơ tŏk ƀok Đỗ Tiến Sỹ pơm Kơ dră chĕp kơ̆l Radio nơ̆r pơ ma Việt Nam (VOV). Mă hơ dăh, tơ drong tơ chơ̆t pôk ƀok Đỗ Tiến Sỹ - Kơ dră jang lơ̆m Trung ương Đảng, Bí thư đảng dêh char Hưng Yên jăl jang đơ̆ng 2020-2025, Kơ dră chĕp kơ̆l Khul tang măt Kuô̆k hô̆i jăl XIV dêh char Hưng Yên pơm Kơ dră chĕp kơ̆l Radio nơ̆r pơ ma Việt Nam. Tơ drong tơ chơ̆t đei yoa đơ̆ng ‘năr 9/6.

Ƀok Đỗ Tiến Sỹ đei pôk pơm Kơ dră chĕp kơ̆l Radio nơ̆r pơ ma Việt Nam

Ƀok Đỗ Tiến Sỹ rơ nĕh sơ năm 1965; Pơ lei tơ̆: xăh Đình Dù, apŭng Văn Lâm, dêh char Hưng Yên. Kơ dră jang lơ̆m Trung ương Đảng jăl XII, XIII, Bơ ngai tang măt Kuô̆k hô̆i jăl XIV. Hŏk Chinh trĭ: Cử nhân; Hŏk găh tơ drong jang ‘nŏh: Thạc sĩ Quản trị tĕch mơ dro, Cử nhân Sư phạm Toán. Adrol kơ pơm Kơ dră chĕp kơ̆l VOV, ƀok Đỗ Tiến Sỹ hlôi jang lơ kơ chư̆k nhen: Phó Bí thư, Phó Bí thư chĕp kơ̆l, Bí thư Đảng dêh char Hưng Yên; Kơ dră Jơ nŭm pơ gơ̆r kon pơ lei dêh char Hưng Yên.

Dơ̆ng: Tơ blơ̆