VOV4.Bahnar – Lơ̆m năr 16/6, xơng iŏk jên tơgŭm 10 tih hlj đơ̆ng Anih jang Hyosung Việt Nam păng Anih tơm Ming man kơsô̆ jên 1 tih hlj, Ƀĭ thư Trung ương Đảng, Kơdră Anih jang Trung ương Măt trâ̆n tôh kuôk Việt Nam Đỗ Văn Chiến ăn tơbăt: Truh dang ei, kơsô̆ jên tơgŭm pơtruh ăn Jên mong vaccine đơ̆ng dôm anih jang, păng tơ 'ngla jang 'mêm bơnat hlôi đei hloh 5 rơbâu tih hlj. 'Nâu jing tơdrong tơgop tih tên đơ̆ng tôm kon pơlei lơ̆m tơdrong tơjră hăm pơrang jĭ hli hlơt âu. Tang măt ăn Anih juăt jang Trung ương Măt trâ̆n tôh kuôk Việt Nam, ƀok Đỗ Văn Chiến pơtruh hmach bơnê kăp gĭt hăm tơdrong atŭm jơhngơ̆m lơ̆m tơdrong jang tang găn păng tơjră pơrang jĭ đơ̆ng khul kang ƀô̆, bơngai jang păng mă kăl noh tơdrong tơgop tơgŭm đơ̆ng anih jang mŭk drăm teh đak đe tŏk bŏk oei pơm jang tơ̆ Việt Nam. Vă pơm jang jơnei tơchơ̆t ƀet vaccine ăn hloh 70% kơsô̆ măt kon pơlei lơ̆m xơnăm 2021, kăl răt 150 trĭu kơliu vaccine bơ̆ng jĭ Covid-19 hăm kơsô̆ jên kăl pơhlom 25,2 rơbâu tih hlj.

Lan chih păng pơre nơ̆r