VOV4.Bahnar  – Pơgê năr 10/9, tơ̆ Hà Nội, Anih jang hơvơn tơgŭm đơ̆ng tơpôl – Jơnŭm pơgơ̆r jang kơ teh đak găh tang găn păng tơjră pơrang jĭ Covid-19 pơgơ̆r Hop akŏm tơlĕch jang pơtoi chă hơvơn tơgop  “Tôm kon pơlei tơguăt, kơ 'nôh tang găn păng tơjră pơrang jĭ Covid-19”. Ƀĭ thư Trung ương Đảng, Kơdră Anih jang Trung ương Măt trâ̆n tôh kuôk Việt Nam Đỗ Văn Chiến, Kơdră Anih pơgơ̆r Hop akŏm ăn tơbăt, vă hơvơn tơdrong pran ăn jang tang găn păng tơjră pơrang jĭ, Anih jang hơvơn tơgŭm đơ̆ng tơpôl gô akŏm hơvơn đe kang ƀô̆, bơngai jang lơ̆m jâ̆p teh đak tơgŭm tŏ xĕt jat noh minh năr jên khei jang hăm minh 'nu jang vă 'măn ăn tơdrong tang găn păng tơjră pơrang jĭ. Atŭm hăm noh, hơvơn rim anih jang mŭk drăm, tơ 'ngla bơngai jang chŭn, jang ka hơdang, vă tơgŭm kon pơlei lơ̆m tơring pơkăp pơvei, anih pơkăp oei tơklăh, anih hơmet ming ăn bơngai ƀơm jĭ Covid-19. Atŭm hăm noh, anih jang pơtoi pơgơ̆r por xŏng 'mêm kơ eng, tơgŭm bơngai tơnap tap kơyuơ đơ̆ng pơrang jĭ pơm ăn.

Lan chih păng pơre nơ̆r