VOV4.Bahnar - Pơ gê brei (1/7), tơ̆ pơ lei tơm Kon Tum, Jơ nŭm pơ gơ̆r kon pơ lei dêh char Kon Tum pơ gơ̆r ‘măng hop akŏm mă mônh, jăl jang 2021- 2026. Tơ̆ jơ hop akŏm blŭng a kơ jăl jang, Jơ nŭm pơ gơ̆r kon pơ lei dêh char Kon Tum hlôi pơ gơ̆r pôk rim kơ chư̆k chĕp kơ̆l dơ nơm lơ̆m Jơ nŭm pơ gơ̆r kon pơ lei dêh char jăl 12. Mă hơ dăh ‘noh, ƀok Dương Văn Trang, Bơ ngai jang lơ̆m Trung ương Đảng, Bí thư Đảng dêh char, bơ ngai tang măt Jơ nŭm pơ gơ̆r kon pơ lei dêh char đei pôk pơm Kơ dră Jơ nŭm pơ gơ̆r kon pơ lei dêh char Kon Tum jăl 12, jăl jang 2021- 2026 hăm kơ sô̆ kơ phiê̆u pôk đei 100% bơ ngai tang măt vang hop akŏm.

Ƀok Dương Văn Trang, rơ neh ‘năr 20/12/1961. Pơ lei: Xăh Đức Lợi, apŭng Mộ Đức, dêh char Quảng Ngãi. Hŏk: Cử nhân Quân sự. Lý luận chính trị: Cao cấp. ‘Măng hop akŏm pôk ƀok Nguyễn Thế Hải păng yă Nghe Minh Hồng, ki ‘noh pơm Phŏ kơ dră Jơ nŭm pơ gơ̆r kon pơ lei dêh char Kon Tum jăl 11 pôk pơm dơ̆ng Phŏ Kơ dră Jơ nŭm pơ gơ̆r kon pơ lei dêh char Kon Tum jăl 12.

Thuem: Tơ blơ̆