VOV4.Bahnar – Năr 9/6, tơ̆ Anih jang Khul Kơpal, ƀok Kơdră teh đak bơ̆n Nguyễn Xuân Phúc, Kơdră Jơnŭm pơgơ̆r jang Tơplih tư phap Trung ương, Kơdră Jơnŭm pơgơ̆r chih akŏm “Trong jang pơjing păng keh kong Jơnŭm pơgơ̆r teh đak XHCN Việt Nam truh xơnăm 2030, xơkơ̆t truh xơnăm 2045” hlôi đei tơdrong hop akŏm hăm dôm anih jang đei tơrĕk găh Pơkăp chih akŏm Tơdrong jang.

          Pơma ăh jơ bơ̆ jang, Kơdră teh đak Nguyễn Xuân Phúc ră hơdăh, tơdrong hơmet Vă jang “Trong jang pơjing păng keh kong Jơnŭm pơgơ̆r teh đak XHCN Việt Nam truh xơnăm 2030, xơkơ̆t truh xơnăm 2045” jing xơnong jang kăp gĭt mă Tơchơ̆t Hop akŏm Đảng 'măng mă 13 tơlĕch. Tơdrong chih akŏm dôm tơdrong kăl Vă jang athei đei trong tơrĕk vei xơđơ̆ng khoa hŏk, đei xơkơ̆t truh xơnăm 2045, tơplih 'nao păng trŏ ƀlep hăm xơkơ̆t hơtŏk tơ iung gơnơm lơ̆m tơdrong hơlen kiơ̆ pơkăp tơpôl lơ̆m teh đak păng apŭng plenh teh. Kơdră teh đak Nguyễn Xuân Phúc duh pơkăl Jơnŭm jang Nô̆i chĭnh Trung ương pơtoi hơmet dôm tơdrong kăl, trŏ ƀlep lơ̆m chih akŏm trong Vă jang.

Lan chih păng pơre nơ̆r