VOV4.Bahnar - Pơ gê brei (24/6), tơ̆ ‘măng hop akŏm mă mônh, Jơ nŭm pơ gơ̆r kon pơ lei pơ lei tơm Hồ Chí Minh jăl 10, ƀok Nguyễn Thành Phong, Kơ dră Anih vei lăng kon pơ lei pơ lei tơm Hồ Chí Minh, jăl jang 2016 – 2021 hlôi đei pôk pơm dơ̆ng Kơ dră Anih vei lăng kon pơ lei pơ lei tơm Hồ Chí Minh jăl jang 2021 – 2026. Tơ̆ ‘măng hop akŏm, yă Nguyễn Thị Lệ, Kơ dră Jơ nŭm pơ gơ̆r kon pơ lei pơ lei tơm Hồ Chí Minh jăl 10 hlôi đŏk hla ar tơ roi bơ ngai pôk pơm  Kơ dră Anih vei lăng kon pơ lei pơ lei tơm jăl 10 jăl jang 2021-2026 hăm ƀok Nguyễn Thành Phong, Kơ dră Anih vei lăng kon pơ lei pơ lei tơm Hồ Chí Minh jăl jang 2016 – 2021.

Hăm pơ tôch 77/86 kơ phiê̆u tơ gŭm, kơ sô̆  89,5% bơ ngai tang măt đei măt drơ̆ng lăp, ƀok Nguyễn Thành Phong hlôi đei pôk pơm dơ̆ng Kơ dră anih vei lăng kon pơ lei pơ lei tơm Hồ Chí Minh jăl jang 2021- 2026. Ƀok Nguyễn Thành Phong rơ neh ‘năr 18/7/1962, tơ̆ xăh Tam Phước, apŭng Châu Thành, dêh char Bến Tre. Sư ‘noh Tiến sỹ Kinh tế học, hŏk găh tơ lĕch trong jang ‘lơ̆ng mŭk drăm kon pơ lei, cao cấp Lý luận chính trị.

Thuem: Tơ blơ̆