VOV4.Bahnar – Pơgê âu năr (16/8), Anih juăt jang Trung ương Măt trâ̆n tôh kuôk Việt Nam pơgơ̆r hop akŏm trư̆k tuyê̆n jâ̆p teh đak tơlĕch Tơdrong jang kơ Măt trâ̆n tôh kuôk Việt Nam pơm kiơ̆ Tơchơ̆t Hop akŏm jâ̆p teh đak 'măng mă 13.  Ƀok Tổng Bí thư Nguyễn Phú Trọng truh akŏm păng pơgơ̆r tơdrong hop akŏm. Hop akŏm pơma đam vă pơtoi hơmet keh đang tơdrong tơlĕch jang, đei jơnei tơnăp hloh Tơchơ̆t Hop akŏm Đảng jâ̆p teh đak 'măng mă 13 pơm kiơ̆ ƀlep tơdrong hơpơi đơ̆ng đe kang ƀô̆, đảng viên păng kon pơlei. Xơnong jang tơnăp đơ̆ng Măt trâ̆n tôh kuôk Việt Nam păng dôm anih vang jang noh: pơtoi pơjing tơdrong tơguăt tơguăl tôm kon pơlei, pơm kiơ̆ rơngei hiôk hian, hơtŏk tơdrong pơdrơ̆ng lơ̆m tơpôl; tơroi, hơvơn kon pơlei pơm kiơ̆ trong pơkăp jang đơ̆ng Đảng, trong pơkăp đơ̆ng khôi luơ̆t Teh đak; vang pơ 'lơ̆ng Đảng, Teh đak roi năr roi hlăng 'lơ̆ng, kơjăp kơtang.

Lan chih păng pơre nơ̆r