VOV4.Bahnar – Năr 10/9, ƀok Tổng bí thư Nguyễn Phú Trọng, Kơdră Jơnŭm pơgơ̆r jang  Trung ương găh tang găn păng tơjră xa pơjĭp pơgơ̆r tơdrong hop akŏm kơ Anih tơm Chĭnh trĭ tơgop nơ̆r găh Tơdrong “Tơplih, hơmet xơnong jang, tơdrong pơgơ̆r kơ Jơnŭm pơgơ̆r Trung ương găh tang găn păng tơjră xa pơjĭp” vă pơgơ̆r tang găn păng tơjră xa pơjĭp păng kơnê̆ lơ̆m khei năr truh. Đơ̆ng rŏng kơ mơ̆ng tang măt ăn kơdră Anih jang Nô̆i chĭnh Trung ương – Anih juăt jang kơ Jơnŭm pơgơ̆r jang đŏk tơbang Tơdrong vă jang, Anih tơm Chĭnh trĭ pơma đam păng drơ̆ng nơ̆r găh dômt ơdrong tơlĕch pơm jang, Ƀok Tổng Bí thư Nguyễn Phú Trọng ră hơdăh, tơdrong tơm pơgơ̆r jang kơ Jơnŭm pơgơ̆r Trung ương Tang găn păng tơjră xa pơjĭp kơnê̆ lơ̆m khei năr truh noh pơgơ̆r tơdrong jang tang găn păng tơjră xa pơjĭp, tơjră kơnê̆, tơdrong tơm pơm 'mê̆ đon bơnôh, trong erih oei xa lơ̆m đe kang ƀô̆, đảng viên, bơngai jang ăn teh đak, mă adrol hloh noh đe kang ƀô̆ kơpal, vei lăng dôm jăl jang lơ̆m anih jang chĭnh trĭ lơ̆m jâ̆p teh đak. Kiơ̆ kơ ƀok Tổng Bí thư, tơdrong mă Anih tơm Chĭnh trĭ tơchơ̆t tơplih, hơmet xơnong jang kơ Jơnŭm pơgơ̆r Trung ương găh tang găn păng tơjră xa pơjĭp vă pơgơ̆r tang găn păng tơjră xa pơjĭp păng kơnê̆ pơtoi xơkơ̆t trong jang đơ̆ng Đảng, Teh đak lơ̆m tơjră xa pơjĭp pơm pơ 'lơ̆ng tơdrong hlăng rơgoh lơ̆m khul kang ƀô̆, đảng viên, pơm kiơ̆ tơdrong pơkăl păng lui ngeh đơ̆ng kon pơlei hăm xơnong pơgơ̆r đơ̆ng Đảng.

Lan chih păng pơre nơ̆r