VOV4.Bahnar - Kơ sơ̆ ‘năr 3/12, tơ̆ Hà Nội, Anih tơ roi tơ băt Trung ương pơ gơ̆r Hop akŏm tơ lĕch tơ drong tơ chơ̆t đơ̆ng Ban Bí thư găh tơ drong jang kang ƀô̆. Tơ̆ hop akŏm, Kơ dră Anih pơ gơ̆r kang ƀô̆, Anih tơ roi tơ băt Trung ương hlôi tơ băt hơ dăh Tơ drong tơ chơ̆t đơ̆ng Ban Bí thư pôk ƀok Trần Thanh Lâm, Kơ dră Anih vei lăng hla ar chih kơ tơ̆ng ang - in tơ lĕch, Anih tơ roi tơ băt Trung ương pơm Phŏ Kơ dră Anih tơ roi tơ băt Trung ương, vei lăng tơ drong jang hla ar chih kơ tơ̆ng ang, in tơ lĕch. Pơ jao tơ drong tơ chơ̆t păng pơ jao hơ năp jang ăn kơ Phŏ Kơ dră ‘nao Anih tơ roi tơ băt Trung ương, Kơ dră Anih tơ roi tơ băt Trung ương Nguyễn Trọng Nghĩa lui ngeh hăm hơ năp jang tih, trăp trĭn, ƀok Trần Thanh Lâm gô hơ nơ̆ng bơ̆ jang, hŏk pơ hrăm păng hơ drin tơ găl hăm đon lui đơ̆ng Đảng, Anih tơm Chĭnh trĭ, Ban Bí thư păng kơ dră chĕp kơ̆l Anih tơ roi tơ băt Trung ương.

Thuem: Tơ blơ̆