VOV4.Bahnar - Hơ nơ̆ng bơ̆ jang lơ̆m hop akŏm mă 11, pơ gê 1/4, hăm tơ drong pơ gơ̆r đơ̆ng Kơ dră Kuô̆k hô̆i Vương Đình Huệ, Kuô̆k hô̆i pơ gơ̆r pôk rơih dôm Phŏ Kơ dră Kuô̆k hô̆i kiơ̆ trong tăh kơ phĭu srĕp. Đơ̆ng rŏng kơ ‘nŏh, Kuô̆k hô̆i drơ̆ng nơ̆r hăm tơ drong tơ chơ̆t pôk ƀok Trần Thanh Mẫn, Kơ dră jang lơ̆m Anĭh tơm Chinh trĭ, Kơ dră Anĭh Trung ương Mặt trận Tổ quốc Việt Nam; ƀok Nguyễn Đức Hải, Kơ dră jang lơ̆m Trung ương Đảng, Kơ dră Anĭh vei lăng jên hu kơ Kuô̆k hô̆i păng ƀok Nguyễn Khắc Định, Kơ dră jang lơ̆m Trung ương Đảng, Bí thư đảng dêh char Khánh Hòa pơm Phŏ Kơ dră Kuô̆k hô̆i tĕh đak Cộng hòa xã hội chủ nghĩa Việt Nam. Tang măt ăn Kuô̆k hô̆i, Kơ dră Kuô̆k hô̆i Vương Đình Huệ pơ truh nơ̆r hơ iă păng hơ păh pơ kao ăn 3 ‘nu Phŏ kơ dră Kuô̆k hô̆i ‘nao.

Dơ̆ng: Tơ blơ̆