VOV4.Bahnar - Kơsơ̆ năr 23/4, Khul bơ̆ jang dăr lăng, lăng hơlen bơ̆ jang pôk rơ̆ih kơdră tang măt Kuô̆k hô̆i jăl XV păng kơdră tang măt Jơnŭm vei lăng kon pơlei jăl jang 2021-2026 kơ yuơ ƀok Trần Thanh Mẫn, Kơdră jang lơ̆m Dơnŏ anĭh tơm Chĭnh trĭ, Kơ iĕng Kơdră chĕp pơgơ̆r Kuôk hô̆i, Kơ iĕng Kơdră Jơnŭm vei lăng pôk rơ̆ih Tĕh đak pơm Kơdră khŭl hlôi bơ̆ jang hăm dêh char Hậu Giang.

Rup jơ bơ̆ jang

Iung pơma tơ̆ jơ bơ̆ jang, ƀok Trần Thanh Mẫn hmach chơt hơ iă dôm tơdrong jơnei mă dêh char Hậu Giang iŏk đei lơ̆m atŏk tơ iung mŭk drăm-tơpôl, tơ iung pơjing tơring tơrang ‘nao, tơdrong jang thuê̆, atŏk tơ iung trong hnam đơ̆ng tơring kơdrơ̆m trŭh tơring chŏh jang sa; hôn bơnê dôm tơdrong jơnei mă dêh char Hậu Giang iŏk đei lơ̆m tơlĕch jang kiơ̆ rim trong jang hơmet ăn pôk rơ̆ih. Ƀok Trần Thanh Mẫn pơma hơdăh, ‘nau jing ‘măng pơgơ̆r chĭnh trĭ tôch gĭt kăl, kơ yuơ lơ lŏh rim tơdrong jang đei ƀơm trŭh pôk rơ̆ih, Hậu Giang kăl iung jang kiơ̆ kơ jăp, sơđơ̆ng ƀlep tơpăt, ƀlep hăm khôi luơ̆t, sơđơ̆ng, pơkom; bơ̆ jang tang găn jĭ Covid-19 kăl hơnơ̆ng jang kiơ̆ kơ jăp, ư̆h pơhơi.

Tơblơ̆ nơ̆r: Amazưt