VOV4.Bahnar - Pơgê năr 8/9 tơ̆ Hơnĭh bơ̆ jang Trung ương Đảng, ƀok Võ Văn Thưởng, Kơdră Dơnŏ anĭh chĕp pơgơ̆r Trung ương găh vei lăng biên chê̆ hlôi pơm tơm Hop akŏm mă blŭng kơ Dơnŏ anĭh chĕp pơgơ̆r. Tơ̆ Hop akŏm, Dơnŏ anĭh chĕp pơgơ̆r hlôi ăn tơgop nơ̆r rim Hla bơar chĭh tơbăt tơdrong bơ̆ jang păng pơtho tơbăt, tơdrong jang jăl jang 2021-2026; Tơdrong vă bơ̆ jang, Tơdrong tơchơ̆t bơ̆ jang kơ Dơnŏ anĭh chĕp pơgơ̆r jăl jang 2021-2026; Tơchơ̆t hơdăh găh vei lăng biên chê̆ kơ khŭl jang chĭnh trĭ; Tơdrong vă jang dăr lăng jang kiơ̆ vei lăng biên chê̆ tơ klep hăm tơdrong bơ̆ jang jăl jang 2016-2021 păng vă jang biên chê̆ tơ klep hăm tơdrong tơchơ̆t jang jăl jang 2021-2026; Hla bơar tơbăt pơtôch jang kiơ̆ Tơdrong jang pơlăp tơdrong bơ̆ jang ... Kiơ̆ hla bơar chĭh tơbăt bơ̆ jang, jô̆ trŭh năr 31/12/2019, lơ̆m tĕh đak hlôi jang keh đang nơ̆r tơchơ̆t pơm kơ toei biên chê̆ hlôi đei tơlĕch ăn; akŏp măt bơngai bơ̆ jang đei sa jên khei păng jên hơpăh đơ̆ng kon jên bơ̆ jang tĕh đak tơ jur 541.890 ‘nu bơngai (14,93%) pơtêng hăm khei năr 30/4/2015.

Tơblơ̆ nơ̆r: Amazưt