VOV4.Bahnar - Hăm hơ năn “Tơm gơ̆l - Tơ năp - Tơ păt ‘lơ̆ng - gơ̆h hơ gei”, lêh mât hŏk sơ năm hŏk ‘nao 2021-2022 đơ̆ng Hnam hŏk Chinh trĭ Quốc gia Hồ Chí Minh đei pơ gơ̆r kiơ̆ trong trư̆k tuyê̆n til pơ gê ‘năr 9/9, tơ̆ Hà Nội.

Pơ ma hăm kăn ƀô̆, thây kô, bơ ngai kiơ̆ hŏk tơ̆ Hnam hŏk, ƀok Võ Văn Thưởng, Kơ dră jang lơ̆m Anih tơm Chinh trĭ, Kơ dră chĕp kơ̆l Ƀan Bí thư athei găn đĭ đon tơ chĕng hŏk yoa vă iŏk ƀăng, vă tôm hla ar pôk pơm tih, hơ tŏk jên khei, đei chih tơ mât lơ̆m khul vă chĕp kơ̆l pơ gơ̆r. 

Sơ năm hŏk 2021-2022 Hnam hŏk akŏm jơ hngâm pơ gơ̆r pơ tho pơ hrăm kiơ̆ trong trư̆k tuyê̆n. Năng kăl truh tơ drong pơ tho pơ hrăm kơ jung, pơ tho hŏk trung cấp lý luận chính trị, dôm hla ar hŏk pơ hrăm pơ tho ming kiơ̆ kơ chư̆k jang… Atŭm hăm ‘nŏh, hơ tŏk hrĕnh tơ drong pơ jing păng tơ lĕch jang ‘lơ̆ng, đei yoa dôm tơ drong pơ tho ăn khul ƀok pơ tho lý luận chính trị, vă kơ chăng pơ jing khul jang gơ̆h hơ hei.

Dơ̆ng: Tơ blơ̆