VOV4.Bahnar - Kơ sơ̆ ‘năr 1/12, tơ̆ Anih bơ̆ jang Trung ương Đảng, Khŭl tang măt Đảng bơ̆n yua đơ̆ng ƀok Võ Văn Thưởng, Bơ ngai jang lơ̆m Anih tơm Chĭnh trĭ, kơ dră chĕp kơ̆l pơ gơ̆r Ban Bí thư chĕp kơ̆l hlôi vang hop akŏm trực tuyến 2 đảng apŭng plĕnh teh, yua đơ̆ng Đảng teh đak Nga drơ̆ng nơ̆r chĕp kơ̆l pơ gơ̆r tơ̆ Liên bang Nga pơ gơ̆r. Pơ ma tơ̆ Hop akŏm, ƀok Võ Văn Thưởng pơ ma hơ dăh rơ ngei, jang hơ dai păng hơ tŏk tơ iung hơ nơ̆ng jing trong jang tih lơ̆m apŭng plĕnh teh; kơ plăh hơ met pơ ‘lơ̆ng jơ̆p plei teh păng jang hơ dai mŭk drăm apŭng plĕnh teh mă đơ̆ng tơ ƀơ̆p lơ mơ mat tat mă lei hơ nơ̆ng kŭm hăm tơ drong jang kach mang 4.0 pơm tơ drong ‘lơ̆ng ăn tơ drong hơ tŏk tơ iung.

Jơ Hop akŏm

Ƀok Võ Văn Thưởng kŭm pơ ma dơ nuh găh dôm tơ drong hơ găt păng trong jang hơ tŏk tơ iung, trong jang tơ gŭm tơ bôl đơ̆ng Việt Nam, dôm jơ nei gĭt kăl hlôi iŏk đei, pơ ma hơ dăh jang tơ bôl đảng jing 1 lơ̆m dôm tơ drong tơm kơ jang tơ bôl Việt Nam păng pơ ma hơ dăh tơ drong lăng kăl hăm tơ drong pơ vei jang hơ dai tôm tong Việt – Nga păng đơ̆ng Đảng Cộng sản Việt Nam păng Đảng teh đak Nga drơ̆ng nơ̆r.

Thuem: Tơ blơ̆