VOV4.Bahnar – Pơtoi tơgop nơ̆r găh dôm tơdrong hop akŏm mă 2, Kuôk hô̆i jăl 15, năr 25/10 pơma đam tơ̆ khul, tơgop nơ̆r lơ̆m chih akŏm Luơ̆t Tĕch răt bảo hiểm (hơmet), Khul kơpal tang măt ăn Kuôk hô̆i dêh char Đăk Lăk drơ̆ng nơ̆r găh tơdrong hơmet hăm luơ̆t tĕch răt bảo hiểm păng Tơroi tơdrong hơlen đơ̆ng Anih jang Mŭk drăm. Atŭm hăm noh, hơmet minh ƀar nơ̆r tơgop găh tơdrong âu.

Khul jang tang măt ăn Kuôk hô̆i dêh char Đăk Lăk akhan, tơdrong hơmet Luơ̆t tĕch răt bảo hiểm noh kăl hloh vă vei xơđơ̆ng tơdrong pơyua trŏ ƀlep hăm dôm anih jang, tơ 'ngla bơngai jang chă răt bảo hiểm; hơtŏk pran jang tĕch pơdro bảo hiểm; tơgop hơtŏk tơ iung kơjăp kơ tơdrong jang mŭk drăm – tơpôl, xơđơ̆ng tơdrong erih kon pơlei; hơtŏk đei jơnei tơnăp vei lăng đơ̆ng teh đak hăm tơdrong jang tĕch răt bảo hiểm. Mă lei, lơ trong pơkăp jang tĕch răt bảo hiểm kăl pơkăp hơdăh hloh.

Lan chih păng pơre nơ̆r