VOV4.Bahnar - Ƀơ̆t kơ plăh gô Anih tơm vei lăng găh chŏh jang sa păng hơ tŏk tơ iung tơ ring tơ rang păng dêh char Gia Lai pơ truh apĭng tơ plih rơ bâu hek tar teh bri jing teh choh jang sa vă pơm tơ ring tơ rŭih ăn Dơ nâu đak Ia Mơr, Khŭl vei lăng tơ mơ̆t jên jang păng Ming man dơ nâu đak 8-Anih tơm vei lăng găh choh jang sa păng hơ tŏk tơ iung tơ ring tơ rang ‘nao đei hla ar athei ming man hơ bong pơ ro đak, pơ yua tơ rŭih ăn kơ hloh 1000 hek tar teh choh jang sa tơ̆ Ia Mơr. ‘Nâu đei lăng jĭ trong jang vă pơm dă ƀiơ̆ kơ brăh brư tơ drong jang tih dơ nâu đak 3000 ti hlak jên tơ̆ tơ ring sơ lam. Dang ei, mă đơ̆ng oei hloi tơ̆ hơ la jơ̆ng dơ nâu mong đak Ia Mơr, mă lei hloh 1000 hek tar teh choh jang sa tơ̆ xăh Ia Mơr hơ nơ̆ng mơ mat kơ đak.

Vă pơ yua tơ rŭih ăn hơ găt teh âu, kiơ̆ hla ar athei, Khŭl vei lăng tơ mơ̆t jên jang păng ming man dơ nâu đak 8 tơ chĕng hơ drol ming man rim hơ bong iĕ găh Hơ bong hơ lĕch, hơ bong pơ mơ̆t păng hơ bong ƀôm, akŏm kơ jung 15km, hăm dang 180 tơ drong jang lơ̆m hơ bong đak vă pơ ruh đak tơ rŭih ăn kơ hloh 1000 hek tar ‘long pơ tăm. Jên tơ mơ̆t jang ming man ‘noh 50 ti hlak jên, tơ chĕng hơ drol iŏk yua jên akŏm rơ kăh uơ oei dơ̆ng đơ̆ng tơ drong jang Ia Mơr jăl jang 2 păng jên akŏm rơ kăh rim tơ drong jang nai yua đơ̆ng Anih tơm vei lăng găh chŏh jang sa păng hơ tŏk tơ iung tơ ring tơ rang vei lăng.

 Thuem: Tơ blơ̆