VOV4.Bahnar - Tơ\ hop ako\m kơ An^h jang găh bri ‘long pơ gơ\r ‘năr brei (5/7), Kơ dră an^h tơm vei lăng găh cho\h jang sa păng hơ to\k tơ iung tơ ring tơ rang Nguyễn Xuân Cường athei đ^ đăng an^h jang găh bri ‘long hơ drin te\ch tơ\ le\ch tơ te\h đak đe tơ mam bri ‘long đei 11 ti đô lar Mi sơ năm ‘nâu. Lơ\m khei ‘năr rim gru\p tơ drong jang tơ mam cho\h jang sa ‘nao tơ jur găh kơ so# tơ mam păng kơ jă kăp g^t ‘no\h ‘long bri hơ nơ\ng kơ to\k sơ đơ\ng.

Pơ ma hơ dăh găh rim tơ drong hiôk păng long nol lơ\m tơ chơ\t jang hơ dai pơm kơ d^h găh jang kiơ\ Luơ\t bri ‘long, vei lăng bri păng te\ch mơ dro tơ mam bri ‘long (VPA/FLEGT), Kơ dră tơm Nguyễn Xuân Cường akhan, ‘nâu đei lăng j^ trong mơ\t jang hơ dai găh trong jang bri ‘long păng Việt Nam j^ te\h đak mă 2 kơ tơ ring Châu Á vang jang. Kiơ\ kơ ‘no\h, lơ\m vei lăng tơ mam te\ch ăn te\h đak đe đei tơ drong vang jang đơ\ng kon pơ lei, tơ pôl, te\h đak, tơ pôl apu\ng ple\nh te\h. ‘Nâu j^ jăl jang tơ pl^h trong jing mu\k drăm bri ‘long tôm hơ năp jang đơ\ng mơ\t jang hơ dai.

Thuem: Tơ blơ\