VOV4.Bahnar - Đăk Lăk to\k bo\k lơ\m khei tơm kơ pơyan phang, duh jing pơyan muih choh jơmu\l pơtăm. Tơ\ lơ tơring, bri [ơm muih choh. Tơre\k hloh noh, tơm bri, jơnu\m vei lăng tơring păng dôm anih jang kơpal nhen le\ ưh kơ băt pơm thoi yơ hăm tơdrong mă kon pơlei muih choh pơrăm bri. Dôm hơgăt bri [ơm pơrăm lơ\m xơnăm adrol ki, dang ei tơm [um, hơ[o hlôi to\k kơjung, lơ\m kơplăh dôm hơgăt bri nai to\k bo\k oei pơtoi [ơm pơrăm. Ưh adro# thoi noh, tơdrong phă bri tơ\ Đăk Lăk lơ\m khei năr tơje# âu đei lơ tơdrong pơhlu\ pơhlôm păng dôm bơngai 'nao noh khenh hlloh dơ\ng đei khul.

            Dôm năr je# đ^ khei 3, nhôn chôt vih tơ\ tơring bri 704, hơgăt bri kơ Anih jang 'long bri Ea Kar, lơ\m tơring Chư\ Bông, apu\ng Ea Kar. Tơ\ âu, nhen le\ tôm hơgăt bri [ơm xoh pơrăm hlăm kơ xơnăm 2020 mă nhôn hlôi tơroi, adoi jing teh pơtăm [um [lang. Dôm mir [um [lang tơroh băl, xăh xeng tih xă. Atu\m hăm tơm [um [lang noh bri tam mă [ơm unh xa đ^, duh oei ke\t keng. Tơm [um [lang kơjung hloh kơ\l bơngai, pơhlom pơtăm đei 1 xơnăm, hơmet vă io\k yua. Minh kang [o# jang lơ\m Anih jang 'long bri ăn tơbăt, tơdrong phă bri tơ\ âu đei [ôh lơ xơnăm păng mưh bri [ơm pơrăm noh pơjing he# teh choh jang. Tơdrong tang găn đe phă bri io\k teh noh tơnap tap hloh. Tơ\ âu, đe yua trong 'nao, ưh kăl ot 'long, adro# xoh 1-2 xơnăm đơ\ng ro\ng kơ noh rei pơtăm, tơnap kơ xơkơ\t tơdrong tơm phă bri păng duh tơnap tang găn kon pơlei rei pơtăm tơ\ hơgăt bri: “Tơring âu noh [ơm choh pơtăm, nhen tơring mă đei tơm 'long kro to, unh xa đang noh lôch kro đe io\k pơm mir đe\ch bơih. {um [lang âu pơtăm 1 xơnăm bơih, hơmet io\k yua. Tơdrong mă âu hlôi đei tơrooi. Adrol kơ noh đei tơdrong koh hu\t le# 'long pơtăm âu, mă oei pơtruh ăn apu\ng noh tam mă đei xek tơlang kơlih mưh hu\t le# 'long pơtăm âu noh apu\ng athei pơm jang oei nhôn noh ưh gơh jang ôh. Kon pơlei đe chă xoi đe\ch ưh đei kăl 'long, thoi noh lơ\m 3 khei dơ\ng noh anih âu đ^ bơih oei kiơ dơ\ng”

Jing tơring tơm găh pha bri io\k teh choh jang, [ok Bùi Quốc Tuấn, Kơdră Anih jang 'long bri Krông Bông ăn tơbăt, tơdrong phă bri lơ\m hơgăt bri kơ anih jang rim xơnăm roi tơnap kơ hơlen, păng dôm khei blu\ng xơnăm âu noh hli hlơt hloh. Tơdrong phă bri đơ\ng dôm bơngai phă bri noh roi tơnap tap, hli hlơt, tơnap đei ke\ vei bri. Pơngơ\t hloh noh găh bri kơ anih jang tơkuh hăm tơring mă Teh đak to\k bo\k oei axong teh ăn kon pơlei yông đơ\ng anih teh io\k pơm dơnâu đak Krông Pách thươ\ng. Hloh 700 unh hnam kon pơlei hăm je# 4.000 bơngai, mă lơ noh kon pơlei kon kông đơ\ng tơring tu jăk oei truh tơring tơje# bri. Tơdrong vei lăng gô jing tơnap tap mưh ưh đei trong jang xơđơ\ng ăn kon pơlei: “Tơdrong phă bri tơ\ hơgăt teh kơ anih jang roi năr roi lơ, xơnăm 2019 đei 114 'măng, xơnăm 2020 noh 204 'măng păng mă kăl noh 2 khei blu\ng xơnăm 2021 âu đei truh 94 'măng phă bri păng koh 'long bri glăi. Tơdrong phă 'nao noh choh chong, ot dôm tơm 'long ie\, truh ăh khei tơm kơ pơyan phang noh chă xoh pơm ăn dôm tơm 'long tih kră duh lôch kiơ\” 

Atu\m hăm apu\ng Ea Kar, Krông Bông, tơdrong phă bri io\k teh choh jang duh đei [ôh lang xă tơ\ apu\ng Ea Sup mă tơm bri ưh kơ băt vă pơm thoi yơ. {ok Nguyễn Văn Quyến, Kơdră Anih jang HTV pơm tơle\ch tơmam xa păng jang găh bri Đăk Lăk ăn tơbăt, lơ\m xơnăm 2020, tơ\ hơgăt teh kơ anih jang đei hloh 31ha bri [ơm tơgar. Dôm bơngai phă bri noh khenh, ưh đei hli kơ bu, mă lei tơdrong xek tơlang dôm bơngai pơm yoch tam mă kơjăp, tam mă keh kong, pơm ăn tơdrong pơrăm bri roi kơtang hloh dơ\ng: “Dôm bơngai phă bri tơgar teh noh khenh, ưh đei hli kơ bu, đe xư tơjră kơne# hăm khul vei hơlen bri kơ anih jang. Dôm tơdrong teh tôn, pơjuă păng phă pơrăm mu\k drăm, dôm anih vei lăng bri kơ anih jang noh pơtruh hô sơ ăn dôm anih jang kơpal, mă lei truh dang ei tam mă đei xek tơlang. Mă kăl noh dôm tơdrong tơgar teh bơ\ hnam, bơ\ hơdrơ\ng pơk lơ\m hơgăt bri mă anih jang vei hơlen duh đei [ôh lơ.”

Tơre\k hloh tơ\ Đăk Lăk lơ\m khei năr tơje# âu, tơdrong phă bri tơgar teh ưh adro# 'măn choh pơtăm đe\ch ôh mă oei đei tơdrong jang nai kơne# hloh. Đei dôm tơdrong chă ako\m lơ hơgăt teh bri vă chă te\ch, pơhlu\ kon pơlei ưh kơ hlôh vao. Tơdrong te\ch răt teh bri glăi roi pơm ăn tơdrong phă bri tơ\ dôm apu\ng dơnơm nhen Ea Sup, Ea Kar, Krông Bông roi jing tơnap tap. {ok Ngô Văn Thắng, Pho\ Kơdră Anih vei lăng kon pơlei apu\ng Ea Súp ăn tơbăt, apu\ng to\k bo\k oei tơjră, [a trui păng tang găn dôm tơdrong pơm yoch 'nao hli hlơt âu: “Ưh adro# đei tơdrong tơgar teh glăi, mă oei đei tơdrong te\ch răt, pơhlu\ pơhlom dơ\ng. Dôm bơngai đơ\ng tơring nai truh mă tam mă tơm a hla chă teh thoi yơ noh duh oei te\ch răt axong păng pơkăp  gô đei axong ăn hla yua teh tơ\ dôm hơgăt bri âu. Lơ\m tơdrong pơm jang noh khul chă hơlen, dôm anih jang, mă kăl noh anih jang ko\ng ang băt hơdăh tơdrong hlôi tơroi ăn anih jang kơpal apu\ng, anih vei lăng kon pơlei apu\ng”

Kiơ\ tơroi đơ\ng Anih Choh jang xa păng Hơto\k tơring pơxe\l dêh char Đăk Lăk, jo# đơ\ng blu\ng xơnăm 2021, đei je# 20.000 ha bri kơ dôm anih jang găh bri, pơhlom 5.400 ha bri kơ dôm tơdrong pơkăp choh jang xa jang găh bri păng mă kăl noh hloh 25.000 ha bri yuơ Anih vei lăng kon pơlei xăh vei lăng hlôi păng to\k bo\k [ơm tơgar glăi. Tơdrong tơgar teh bri tơ\ Đăk Lăk to\k bo\k oei [ôh lang xă păng pơtoi to\k kơtang lơ\m dôm xơnăm tơje# âu. {ok Nguyễn Hoài Dương, Kơdră Anih Choh jang xa păng Hơto\k tơring pơxe\l dêh char Đăk Lăk akhan, atu\m hăm khul kơpal vang jang hăm tơm bri noh tơdrong phă bri mă lơ jing đơ\ng tơdrong pơkăp jang. Tơdrong axong jang ăn tơdrong vei lăng bri dang ei tam mă tơnăp, tơdrong erih đe kang [o#, bơngai vei lăng bri tam mă kơjăp, lơ\m kơplăh noh xơnong jang tơnap tap trăp tr^n: “Inh kơche\ng athei hơlen lăng dơ\ng păng hơto\k hloh tơdrong axong jang ăn vei lăng bri. Bri hon kơdih dang ei noh ưh đei io\k yua noh xơnong đơ\ng Khul kơpal teh đak athei axong jên ăn tơdrong vei lăng. Axong jang tơ\ âu noh athei axong mă tơgăl hăm tơdrong 'nao mă ke\ vei lăng bri, ưh kơx^ bơ\n vei lăng adro# tơgu\m oei dôm yơ noh tơm bri kơdih kơche\ng, noh tơpă bri ưh đei vei lăng tơnăp ôh. 'Nguaih kơ noh, athei xek tơlang tơnăp dôm bơngai pơhno\ng pơm glăi, io\k tơgar te\ch răt teh bri.”

Hlôi to\k 5 xơnăm Thủ tướng teh đak pơgơ\r tang 'măng bri păng pơm kiơ\ dôm tơdrong vei lăng păng hơmet bri hon kơdih. Mă lei, tơ\ Đăk Lăk ăn [ôh, xơnong vei lăng bri to\k bo\k tơnap tap hăm tơdrong muih choh, ưh adro# đơ\ng kon pơlei mă oei [ôh lơ đơ\ng dôm bơngai nai, dôm tơdrong tơgar đei [ôh hli hlơt păng đei tơgar đei khul. Lơ\m kơplăh tơdrong axong jang vei lăng bri oei tơjruh, lơ tơm bri duh ưh đei tơnăp, jang pơhơi lơ\m vei hơlen, pơm ăn tơdrong phă pơrăm bri roi tơnap kơ hơlen tang găn.

Lan chih păng rapor