VOV4.Bahnar - Jang kiơ̆ athei đơ̆ng Khŭl kơ dră teh đak kŭm nhen Anih vei lăng kon pơ lei dêh char Dak Lak “ vă pơm lăp sơ đơ̆ng, tơ tĕnh, vei lăng đei yua jĭ Covid-19”, Anih vei lăng kon pơ lei kơ pơ lei tơm Buôn Ma Thuột tơ lĕch hla ar kăl tơ mơ̆t yua dôm trong jang tang găn jĭ ‘nao, pơ tơm blŭng đơ̆ng 6jơ pơ gê ‘năr (30/11) ding truh đei tơ roi tơ băt plơ̆ng. Kiơ̆ kơ ‘noh, đei ăn phep pơ gơ̆r  bơ̆ jang lơ̆m hnam, tơ̆ ‘ngoăih mă lei ưh kơ gơh hloh 30 ‘nu tơ̆ 1 hơ nih, akŏm hơ la kơ 50 ‘nu hăm tơ drong đei hloh 90% kơ sô̆ bơ ngai vang akŏm athei ƀet 2 jrŭm vaccine dăh mă klăih đơ̆ng jĭ Covid-19 ưh kơ hloh 6 khei; dôm bơ ngai jang akŏm athei pơm kiơ̆ tơ păt 5K đơ̆ng Anih tơm vei lăng găh jang pơ gang păng vei hơ tăih 2 met.

Hăm pơ vih pơ văn ưh kơ kăl tam mă gơh bơ̆ jang hơ lơ̆k dơ̆ng; hơ drô̆ hơ nih yuă sŏk, hơ nih pơ dăh phim gơh bơ̆ jang mă lei athei pơm kiơ̆ tơ păt dôm trong jang tang găn jĭ hơ buh. Dôm bơ ngai chă yuă ăn đe sŏk athei ƀet tŏ sĕt hloh 1 jrŭm vaccine, klăih kơ jĭ Covid-19 ưh kơ hloh 6 khei; pơ vih pơ văn ưh kơ hloh 3 ‘nu 1 ‘măng, vei lăng sơ đơ̆ng hơ tăih băl 2 met, ưh kơ pơ̆ih kơ măy pơm rơ ngơp.

 Thuem: Tơ blơ̆