VOV4.Bahnar - Kơ sơ̆ ‘năr 7/9, Anih vei lăng kon pơ lei pơ lei tơm Buôn Ma Thuột, dêh char Dak Lak hlôi tơ lĕch hla ar kơ sô̆ 4016 vă pơm rơ hơi 1,2 tơ drong hơ găt lơ̆m tang găn jĭ COVID -19 lơ̆m tơ ring ƀrư̆ ƀrư̆ đei vei lăng đơ̆ng rŏng 10 năr pơm kiơ̆ tơ drong tơ chơ̆t 16 đơ̆ng Thủ tướng teh đak. Kiơ̆ kơ ‘noh, đơ̆ng 5 jơ kơ sơ̆ ‘năr 7/9, pơ lei tơm Buôn Ma Thuột ăn phep rim tơ drong jang ming man lơ̆m pơ lei tơm gơh bơ̆ jang hơ lơ̆k dơ̆ng.

 Pơ lei tơm kŭm ăn phep dôm hơ nih tĕch mơ dro tơ mam yua, tơ mam ming man, tơ mam hiĕm kon tơ rong gơh pơ̆ih ‘măng tĕch mơ dro mă lei athei hơ met ăn ưh kơ hloh 50% akŏp kơ sô̆ bơ ngai jang. Tơ drong răt păng tĕch tơ̆ dôm hơ nih âu athei vei sơ đơ̆ng pơm kiơ̆ tơ păt 5K păng dôm tơ drong hơ găt tang găn jĭ COVID-19.

Thuem: Tơ blơ̆