VOV4.Bahnar - “Plt Buôn Ma Thuột athei tơ plih ming đon vă druh kiơ̆, jang đei dôm tơ drong hơ găt đei tơ lĕch”, ‘nâu jĭ nơ̆r athei đơ̆ng Bí thư đảng dêh char Dak Lak Nguyễn Đình Trung hăm Khul kơ dră chĕp kơ̆l đảng plt Buôn Ma Thuột găh tơ drong jang kiơ̆ tơ drong Tơ chơ̆t 67 đơ̆ng Anih tơm Chinh trĭ pơ jing păng atŏk tơ iung plt Buôn Ma Thuột truh sơ năm 2030, trong vă jang truh sơ năm 2045, Tơ drong tơ chơ̆t 103/2020 đơ̆ng Khul kơ dră tĕh đak tơ lĕch tơ drong jang kiơ̆ nơ̆r hơ găt 67.

Pơ lei tơm Buôn Ma Thuột

‘Nâu jĭ sơ năm mă blŭng plt Buôn Ma Thuột bơ̆ jang Tơ drong tơ chơ̆t đơ̆ng Đảng ƀô̆ dêh char đơ̆ng 2021-2025, bơ̆ jang nơ̆r hơ găt 67/2019 đơ̆ng Anih tơm Chinh trĭ găh pơ jing păng atŏk tơ iung plt Buôn Ma Thuột truh sơ năm 2030, trong vă jang truh sơ năm 2045, Tơ drong tơ chơ̆t 103/2020 đơ̆ng Khul kơ dră tĕh đak tơ lĕch tơ drong jang kiơ̆ nơ̆r hơ găt 67 năm truh tơ drong atŏk tơ iung plt Buôn Ma Thuột jing tơ ring kơ drâm tơm kơ Tây Nguyên.

Dơ̆ng: Tơ blơ̆