VOV4.Bahnar - Hơ nơ\ng bơ\ jang lơ\m ‘măng hop ako\m mă 3, kơ sơ\ brei, 16-9, An^h che\p kơ\l pơ gơ\r Kuo#k ho#i pơ ma nuh, tơ gop nơ\r găh Luât vei lăng, io\k yoa phao kơ toang, tơ mam đôh păng tơ mam tơ gu\m.

Pơ ma lơ\m hop ako\m, lơ nơ\r lăp đon hăm tơ drong hơ găt gơ\h prăh phao nhen Luât mă khul kơ dră te\h chih tơ le\ch. Mă lei, athei hơ len năng kơ jăp dôm nơ\r hơ găt găh tơ drong kăl, vei lăng kơ dih tôch tơ găl lơ\m Khôi luât sek phak vă nơ\r hơ găt gơ\h chih kơ jăp ‘lơ\ng [iơ\.

Tơ drong hơ găt gơ\h prăh phao nhen luât chih oei tam mă rơ đăh, oei chih atu\m atu\m, hơ nat vă gơ\h băt tơ drong yơ kăl, tơ drong yơ ưh kăl prăh phao, atu\m hăm ‘no\h athei tơ che\ng hơ len mă nhen tơ drong gơ\h prăh phao (hăm dôm bơ ngai pơm yoch tih, tôch tih…) vă chih hơ găt mă lăp hăm tơ drong sek phak.

Dơ\ng: Tơ blơ\