Đơ̆ng ‘năr 30/10 truh 3/11, tơ̆ dêh char Jeonbuk, Hàn Quốc, pơgơ̆r Pơdă Tơmam sa đơ̆ng pơđih apŭng plĕnh teh IFFE 2025. ‘Nâu jĭ tơdrong pơtrŭt tĕch mơdro tih hloh lơ̆m tơdrong jang tơmam sa đơ̆ng pơđih tơ̆ Hàn Quốc. Dêh char Đắk Lắk đei 6 anih mơdro sa ‘lơ̆ng vang akŏm pơdă tơƀôh dôm tơmam ‘lơ̆ng nhen: cheh phe, găr macca, phe Briêt, prit, ca cao păng 1,2 tơmam đei pơkăp ‘lơ̆ng OCOP. Dôm kơdeng tơmam kơ dêh char sơng đei lơ lap tơmoi tơmang lăng, chă hơlen lăng păng răt yua.

Tơdrong vang akŏm pơtă apŭng plĕnh teh nhen IFFE ưh khan lăp roi tơƀôh um rup Đắk Lắk đĕch mă oei pơih să tơdrong hiôk jang hơdai tơmơ̆t jên jang, hơnhăk tơmam đơ̆ng choh jang sa ‘lơ̆ng kơ dêh char yak hơtăih hloh tơ̆ anih tĕch mơdro apŭng plĕnh teh. Pơdă Tơmam sa đơ̆ng pơđih apŭng plĕnh teh IFFE 2025 ‘noh jĭ ‘măng vă Đắk Lắk tơƀôh hơdăh hơnăn tơmam đơ̆ng choh jang sa ‘lơ̆ng kơ dêh char, hơdai hăm pơih să tơdrong pơvei jang hơdai tĕch mơdro păng tơmơ̆t jên jang đơ̆ng Đắk Lắk păng Jeonbuk pơma hơdrô̆, đơ̆ng Việt Nam păng Hàn Quốc pơma atŭm.