Truh dang ei, jơ̆p dêh char Lâm Đồng đei hloh 109.000 ha choh jang xa kiơ̆ trong jang 'nao hơgei; hloh 1.200 ha choh jang xa gơh hơgei iŏk yua kơmăi kơmŏk kơsô̆, păng dôm trong jang vei lăng 'nao rơgei hloh. Dêh char adoi pơjing đei 16 tơring choh jang xa iŏk yua kơmăi kơmŏk 'nao păng 7 hơnih jang mŭk drăm đei sơkơ̆t jĭ hơnih jang choh jang xa kiơ̆ trong 'nao hơgei.

Dang ei dêh char tŏk bŏk pơih să tơdrong choh jang xa gơh hơgei iŏk yua kơmăi kơmŏk kơsô̆ lơ̆m pơtăm 'nhot păng 'long xa plei; Dôm tơdrong jang hưuh kơ hăm kaphê, hla che, 'long xa plei, 'long pơm pơgang; Atŭm hăm noh pơih să dôm tơdrong choh jang xa sơđơ̆ng păng rong kon tơrong păng pơm tơlĕch tơmam choh pơtăm trŏ hăm tơchơ̆t hơtŏk choh jang xa rơgoh 'lơ̆ng păng pơtrŏ hăm tơdrong tĕch răt hăm teh đak đe.