Lơ̆m 327.000ha chehphe Arabica hăm Robusta dang ei đei, dêh char Lâm Đồng hlôi đei vă jê̆ 119.000ha đei ƀơk ăn hla bơar tơchơ̆t choh jang sa kơjăp ‘lơ̆ng nhen: VietGAP, 4C, UTZ… Atŭm hăm ‘noh dêh char Lâm Đồng hlôi pơjing đei 6 tơring jang chehphe jang kiơ̆ choh jang sa kmăi kmŏk hơgei hăm hơgăt teh să vă jê̆ 2.300ha; 67 hơnih tơgoăt choh jang sa păng răt iŏk plei chehphe hăm hloh 29.000 ŭnh hnam kon pơlei vang mơ̆t jang hơdoi lơ̆m hơgăt teh să vă jê̆ 55.500ha.

Ƀok Nguyễn Hoàng Phúc, Kơ ieng Kơdră chĕp pơgơ̆r Hơnih vei lăng Choh jang sa păng Cham char dêh char Lâm Đồng tơbăt, dêh char tŏk bŏk kơrŭn jơhngơ̆m pơih să hơgăt teh jang chehphe ‘lơ̆ng vă pơm hơtŏk kơjă tŏk măt tơmam drăm.