Sơnăm 2025, mă đơ̆ng đei ƀơm kơnê̆ đơ̆ng tŏ ‘mi kial pơrăm păng dôm tơdrong tơplih lơ̆m bơ̆ jang lăp đơ̆ng rŏng jang kiơ̆ khul kơdră chĕp pơgơ̆r tơring ƀar kâp, choh jang sa lơ̆m tơring oei vei kơjăp tŏk sơđơ̆ng. 9 khei sơnăm 2025, tĕch mơdro chehphe tơ̆ teh đak đe iŏk đei vă jê̆ 7 ti USD, ‘nhot plei ‘long iŏk đei hloh 6 ti USD, plei ‘long găr sơlơ̆k hloh 3 ti USD. Đơ̆ng ƀôh yan ou kơ kang ƀô̆ vei lăng choh jang sa tơring, lơ tơring hlôi apĭnh Hơnih tơm vei lăng Choh jang sa păng Cham char hơnơ̆ng tơgum djru pơtho pơhrăm găh tơdrong bơ̆ jang; hrôih pơjing keh đang hla bơar pơtho tơbăt jang kiơ̆ rim trong bơ̆ jang pơjao ăn bơ̆ jang lăp đơ̆ng rŏng hơgrop. Ƀok Hoàng Trung, Kơ iĕng Kơdră chĕp pơgơ̆r Hơnih tơm vei lăng Choh jang sa păng Cham char tơgoăt iok dôm nơ̆r tơgop tơ̆ hop akŏm, akhan hơmet pơ ‘lơ̆ng dôm tơdrong hlôi tơbăt hơdăh ‘noh jing tơdrong kăl hloh vă sơđơ̆ng rim tơdrong đei pran lơ̆m choh jang sa tơ̆ Tây Nguyên - Nam Trung Bộ đei kiơ̆ yok iung jang.